اسقار مامين سيبۋر باسشىسىمەن مۇناي- گاز حيمياسى سالاسىنداعى جوبالاردى ىسكە اسىرۋدى تالقىلادى
تاراپتار قازاقستاننىڭ مۇناي- گاز حيمياسى ونەركاسىبىندە ءىرى ينۆەستيتسيالىق جوبالاردى - پوليپروپيلەن جانە پوليەتيلەن ءوندىرىسىن بىرلەسىپ ىسكە اسىرۋ ماسەلەلەرىن تالقىلادى. اتاپ ايتقاندا، اتىراۋ قالاسىنداعى ينتەگراتسيالانعان گاز- حيميا كەشەنىنىڭ بازاسىندا 2022 -جىلدىڭ باسىندا قۋاتى جىلىنا 500 مىڭ توننا پوليپروپيلەن وندىرەتىن بىرلەسكەن كاسىپورىن اشۋ جوسپارلانۋدا.
الداعى ۋاقىتتا قۋاتى جىلىنا 1,25 ميلليون توننا پوليەتيلەن وندىرەتىن زاۋىت قۇرىلىسىنىڭ بىرلەسكەن جوباسى ىسكە اسىرىلاتىن بولادى. اتالعان جوبالار بويىنشا ىنتىماقتاستىقتىڭ بازالىق شارتتارى بويىنشا كەلىسىمگە KAZENERGY XIV ەۋرازيالىق فورۋمى شەڭبەرىندە سيبۋر، «سامۇرىق- قازىنا» ا ق جانە «قازمۇنايگاز» ۇ ك» ا ق اراسىندا قول قويىلدى. ا. مامين مەن د. كونوۆ سونداي- اق قاراشىعاناق كەن ورنىندا بىرلەسكەن مۇناي- گاز حيمياسى جوبالارىن ىسكە اسىرۋ، سيبۋر كاسىپورىندارىندا قازاقستاندىق مامانداردى دايارلاۋ پەرسپەكتيۆاسىن جانە ءوزارا ءىس- قيمىلدىڭ باسقا دا ماسەلەلەرىن تالقىلادى.
سيبۋر - شتاتىندا 18 مىڭنان استام ادام جۇمىس ىستەيتىن، شىعىس ەۋروپاداعى ەڭ ءىرى مۇناي- گاز حيمياسى حولدينگى. جىلىنا 2,5 ميلليون توننا بازالىق پوليمەر شىعاراتىن زاپسيبنەفتەحيم مۇناي- حيميا كەشەنى قۇرىلىسىنىڭ جوباسىن جۇزەگە اسىردى.
Sinopec-پەن بىرگە قۋاتى جىلىنا 2,7 ميلليون توننا پوليەتيلەن مەن پوليپروپيلەندى قۇرايتىن امۋر گاز حيمياسى كەشەنىنىڭ قۇرىلىسىن جۇرگىزۋدە. كەزدەسۋگە ەنەرگەتيكا ءمينيسترى ماعزۇم مىرزاعاليەۆ، «سامۇرىق- قازىنا» ا ق باسقارما ءتوراعاسى الماسادام ساتقاليەۆ، «قازمۇنايگاز» ۇ ك» ا ق باسقارما ءتوراعاسى اليك ايداربايەۆ جانە ت. ب. قاتىستى.
