ەنەرگەتيكا ءمينيسترى مۇناي ەكسپورتى ءۇشىن ەڭ ءتيىمدى ءارى قاۋىپسىز باعىتتى اتادى
شارا ەلوردادا XIV ەۋرازيالىق Kazenergy فورۋمى اياسىندا وتۋدە، دەپ حابارلايدى قازاقپارات.
ەنەرگەتيكا ءمينيسترى ءوز سوزىندە «تەڭىز - اتىراۋ - نوۆوروسسييسك پورتى» باعىتى قازاقستاندىق مۇناي ەكسپورتى ءۇشىن ەڭ ءتيىمدى جانە قاۋىپسىز بولىپ تابىلاتىنىن اتاپ ءوتتى.
«قازاقستاننان ەكسپورتتىق مۇناي قۇبىرىن سالۋ ءۇشىن كوپتەگەن نۇسقالار قارالدى. مۇنايدى ەكسپورتقا تاسىمالداۋدىڭ 10-نان استام باعىتى ۇسىنىلدى، ونىڭ ىشىندە رەسەي ارقىلى قارا تەڭىزگە، يران ارقىلى پارسى شىعاناعىنا، باكۋ - دجەيحان ارقىلى جەرورتا تەڭىزىنە. سايىپ كەلگەندە، ساراپشىلار ەڭ ءتيىمدى جانە قاۋىپسىز باعىتتى انىقتادى: تەڭىز - اتىراۋ - نوۆوروسسييسك پورتى. وعان قوسا، بۇل ەڭ قىسقا ەكسپورتتىق باعىت بولدى»، - دەدى م. مىرزاعاليەۆ.
ەنەرگەتيكا ءمينيسترى سونداي- اق جوبانى قۇرۋ پروتسەسىندە قازاقستاننىڭ تۇڭعىش پرەزيدەنتىنىڭ ءوزى شەشۋشى ءرول اتقارعانىن ەرەكشە اتاپ ءوتتى.
«ەلباسى نۇرسۇلتان ءابىش ۇلى نازاربايەۆ ءوزىنىڭ تاباندىلىعىمەن جانە بەدەلىمەن كاسپي قۇبىر كونسورتسيۋمىن قۇرۋعا قول جەتكىزىپ، وعان بارلىق مۇددەلى تاراپتاردى تارتا الدى. ... بۇگىندە جوبا تابىستى كوپجاقتى ىنتىماقتاستىقتىڭ جارقىن مىسالى بولىپ تابىلادى. قازاقستان مەن رەسەي اۋماعى ارقىلى ءوتىپ، كاسپي مەن قارا تەڭىزدىڭ ەكى تەڭىز جاعالاۋىن جالعاي وتىرىپ، ول ۇلى بريتانيا، يتاليا، ا ق ش، رەسەي مەن قازاقستاننىڭ كوپتەگەن اكسيونەرلەرىن بىرىكتىردى»، - دەپ اتاپ ءوتتى مينيستر.
2001 -جىلى مۇناي قۇبىرى پايدالانۋعا بەرىلگەن ساتتەن باستاپ بۇگىنگى كۇنگە دەيىن قازاقستان 745 ميلليون توننادان استام مۇناي ەكسپورتتادى. وسى باعىت بويىنشا ەكسپورتقا جەتكىزىلەتىن قازاقستان مۇنايىنىڭ ۇشتەن ەكىسىنەن استامى وتەدى. ك ق ك قۇرىلىسى تەڭىز، قاراشىعاناق سياقتى ءىرى كەن ورىندارىندا مۇناي ءوندىرۋ كولەمىن ەداۋىر ۇلعايتۋعا، سونداي- اق قاشاعاندى يگەرۋدى باستاۋعا مۇمكىندىك بەردى.
«بۇگىنگى تاڭدا ك ق ك- نى كەزەڭ- كەزەڭىمەن كەڭەيتۋ مۇناي قۇبىرىنىڭ وتكىزۋ قابىلەتىن جىلىنا 67 ميلليون تونناعا دەيىن جەتكىزدى. بۇل رەتتە جىلىنا 80 ميلليون تونناعا دەيىن مۇناي وتكىزۋ قابىلەتىن كەڭەيتۋ مىندەتى قويىلىپ وتىر»، - دەدى ەنەرگەتيكا ءمينيسترى.
