ابەل سانچەس گولوۆكيننىڭ ابسوليۋتتى الەم چەمپيونى اتاعى ءۇشىن ايقاسىنىڭ بولماۋىنا كىنالىلەردى اتادى
الەم چەمپيونى اتاعى ءۇشىن GGG مەن بيلل دجو سوندەرس اراسىنداعى ايقاس نەگە بولمادى دەگەن سۇراققا جاۋاپ بەردى، دەپ حابارلايدى قازاقپارات Sports.kz-كە سىلتەمە جاساپ.
ول كەزدە قازاقستاندىق WBA، WBC جانە IBF تيتۋلدارىنىڭ يەگەرى، ال سوندەرس WBO نۇسقاسى بويىنشا چەمپيون ەدى.
- شىن مانىندە بىزدە قازاقستاندا سوندەرسپەن جەكپە- جەككە كەلىسىمشارت جاسالعان. بۇل ەلورداداعى ەكسپو-2017 كورمەسىندە بولدى. ءبىراق قانداي دا ءبىر سەبەپتەرمەن ەكسپو ۇيىمداستىرۋشىلارى ءتيىستى كەپىلدىكتەردى ورىنداي المادى جانە ايقاس تا بولعان جوق. بۇل جەكپە- جەكتى ۇيىمداستىرۋدىڭ جالعىز ءتاسىلى بيللي دجونىڭ كەپىلدىكتەرىن ورىنداۋ ەدى. ءبىراق ولار وعان بۇدان بۇرىن ايتىلعان سوماعا كەپىلدىك بەرە المادى ءارى كەلىسسوزدەرگە قايتا ورالعان جوق. ويتكەنى بىزدە ونداي اقشا بولمادى،- دەدى سانچەس Fighthub TV بەرگەن سۇحباتىندا.
