وزبەكستانداعى بانكوماتتار شەتەل ۆاليۋتاسىن ايىرباستاۋدى توقتاتتى

تاشكەنت. قازاقپارات - وزبەكستاندا Uzcard كومپانياسىنىڭ بانكوماتتارى جالعان بانكنوتتاردىڭ ءجيى كەزدەسۋى سالدارىنان 50 جانە 100 دوللارلىق كۋپيۋرالاردى قابىلداۋدى ۋاقىتشا توقتاتتى، دەپ حابارلايدى قازاقپارات مەنشىكتى ءتىلشىسى.

ءتيىستى حاتتى ءبىرىڭعاي جالپى رەسپۋبليكالىق پروتسەسسينگتىك ورتالىق (Uzcard) رەسپۋبليكانىڭ كوممەرتسيالىق بانكتەرىنە جىبەردى.

«ۆاليۋتا ايىرباستاۋ وپەراتسيالارى بويىنشا ترانزاكتسيالاردى تالداۋ ناتيجەلەرىنە سايكەس، Uzcard جۇيەسىنە قوسىلعان بانكوماتتار جالعان شەتەل ۆاليۋتاسىن، اتاپ ايتقاندا «50$» جانە «$» كۋپيۋرالاردى قابىلداۋ جاعدايلارى جيىلەپ كەتتى. وسى جاعدايدى ەسكەرە وتىرىپ، ۆاليۋتا ايىرباستاۋ وپەراتسيالارى كەزىندە نومينالى $50 جانە $100 كۋپيۋرالاردى قابىلداۋ قىزمەتى ۋاقىتشا توقتاتىلدى»، - دەلىنگەن حاتتا.

اۆتور: اقبوپە ءابدراسۋل