11:21, 16 - قىركۇيەك 2021 | GMT +6
دۋشانبەدە ۇ ق ش ۇ ۇجىمدىق قاۋىپسىزدىك كەڭەسىنىڭ سەسسياسى باستالدى
دۋشانبە. قازاقپارات - دۋشانبە قالاسىندا ۇ ق ش ۇ ۇجىمدىق قاۋىپسىزدىك كەڭەسىنىڭ سەسسياسى باستالدى، دەپ حابارلايدى قازاقپارات ق ر پرەزيدەنتىنىڭ باسپا ءسوز حاتشىسى بەرىك ۋاليگە سىلتەمە جاساپ. بەرىك ءۋالي Facebook-تەگى پاراقشاسىندا شارانىڭ باستالۋ راسىمىنەن ۆيدەو جاريالادى.
ەسكە سالا كەتسەك، 15-قىركۇيەكتە ق ر پرەزيدەنتى قاسىم-جومارت توقايەۆ دۋشانبەگە باردى. پرەزيدەنت 16-17-قىركۇيەك كۇندەرى وتەتىن ۇ ق ش ۇ ۇجىمدىق قاۋىپسىزدىك كەڭەسىنىڭ سەسسياسىنا جانە شانحاي ىنتىماقتاستىق ۇيىمىنا مۇشە مەملەكەت باسشىلارى كەڭەسىنىڭ وتىرىسىنا قاتىسادى. قازاقستان پرەزيدەنتىنىڭ تاجىكستانعا جۇمىس ساپارى وسى ەلدىڭ باسشىسى ەمومالي راحمونمەن كەزدەسۋدەن باستالدى.
پرەزيدەنت دۋشانبە قالاسىندا وتەتىن ۇ ق ش ۇ ۇجىمدىق قاۋىپسىزدىك كەڭەسىنىڭ سەسسياسى مەن شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ وتىرىسىندا وزەكتى جاھاندىق ماسەلەلەردى تالقىلاۋ اسا ماڭىزدى ەكەنىن ايتتى.