تۇندە قانشا ساعات ۇيىقتاعان دۇرىس؟

نۇر-سۇلتان. قازاقپارات - دۇرىس ۇيىقتاۋ مەن دۇرىس تاماقتانۋ - ۇزاق ءومىر ءسۇرۋدىڭ كىلتى. دۇرىس تاماقتانۋعا جەمىس- جيدەك پەن كوكونىستى كوبىرەك جەۋ جاتسا، فيزيكالىق بەلسەندىلىككە ۇنەمى قوزعالۋ، قيمىلداپ ءجۇرۋ جاتادى.

وسىلاردىڭ ىشىندە ادام دەنساۋلىعىنا اسەر ەتەر، ءومىر ءسۇرۋىن ۇزارتار نارسەنىڭ ءبىرى - ۇيقى. ادام ۇيىقتاعان كەزدە، دەنەسى تىنىعىپ، قالپىنا كەلەدى. ەگەر ادام دۇرىس ۇيىقتاماسا (ۇيقىسى قانباسا)، يمۋندى جۇيەسى السىرەيدى. امەريكا عالىمدارىنىڭ ايتۋىنشا، ادام كۇنىنە كەم دەگەندە 7 ساعات ۇيىقتاۋى ءتيىس.

«ادامنىڭ جاسارماسى انىق. ۋاقىت وتە قارتايادى. وكىنىشكە قاراي، جاسارۋ ەلەكسيرى جوق. ءبىراق ادامنىڭ ۇزاق ءومىر سۇرۋگە مۇمكىندىگى بار. كەز كەلگەن ادام تۋعاندا-اق بارىنشا ۇزاق ءومىر سۇرۋگە بەيىم قالىپتا ومىرگە كەلەدى. بار بولعانى - دەنساۋلىققا دۇرىس قاراۋ. از عانا نارسەنىڭ ءوزى دەنساۋلىققا زور پايدا اكەلۋى مۇمكىن. تۇندە جاقسىلاپ ۇيىقتاۋ - ادامدى كۇيزەلىستەن ارىلتادى. كۇش-قۋات بەرەدى. كۇنىنە كەم دەگەندە 7 ساعات ۇيىقتاعان دۇرىس. قانىق ۇيىقتاعان ادامنىڭ دەنە تالشىقتارى تولىق قالپىنا كەلىپ، يممۋندى جۇيەسى جاقسارادى»، - دەپ تۇسىندىرەدى ا ق ش- تىڭ Canyon Ranch ورتالىعىنىڭ ماماندارى.

دۇرىس ۇيىقتاۋعا بارىنشا ءمان بەرۋ كەرەك. سودان مي مەن دەنە بولىگىنىڭ باعدارلاماسى جوندەلەدى، كۇن ءتارتىبى ورنىعادى.

massaget.kz