گەرمانيا قازاقستاندا اۋىل شارۋاشىلىعى قالدىقتارىن قايتا وڭدەۋگە قىزىعۋشىلىق تانىتتى

نۇر- سۇلتان. قازاقپارات - بەرلين ەۋرازيالىق كلۋبىنىڭ الاڭىندا ق ر ينۆەستيتسيالىق مۇمكىندىكتەرى مەن قازاقستاندىق- نەمىس تەحنولوگيالىق ىنتىماقتاستىعىن نىعايتۋ ماسەلەلەرى قاراستىرىلدى.

بۇل تۋرالى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

ءباسپاسوز قىزمەتىنىڭ مادىمەتتەرىنە قاراعاندا، جاڭا تەحنولوگيالار جانە ن و ۋ- حاۋ سالاسىنداعى ەكىجاقتى ىنتىماقتاستىق ماسەلەلەرى نۇر- سۇلتان بەرلين ەۋرازيالىق كلۋبىنىڭ (ب ە ك) كەزەكتى 32-وتىرىسى بارىسىندا قاراستىرىلدى.

ءىس- شارا ق ر سىرتقى ىستەر مينيسترلىگى مەن گەرمان ەكونوميكاسى شىعىس كوميتەتىنىڭ (گەشك) قولداۋىمەن ۇيىمداستىرىلدى. كلۋب وتىرىسىنا گيبريدتى فورماتتا 60 تان استام نەمىس كومپانيالارىنىڭ وكىلدەرى قاتىستى، ولاردىڭ ىشىندە Linde, Volkswagen, Deutsche Bank, Deutsche Bahn, Svevind, Becker Mining, Redpath Deilmann جانە ت. ب. بار.

ق ر پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى ءوز سوزىندە قازاقستاندىق ەكونوميكانى جاڭعىرتۋعا ينۆەستيتسيالاردى تارتۋ ق ر ۇكىمەتىنىڭ باسىمدىقتارىنىڭ ءبىرى بولىپ تابىلاتىنىن اتاپ ءوتتى جانە قاتىسۋشىلاردى ينۆەستيتسيالىق احۋالدى جاقسارتۋ بويىنشا قابىلدانىپ جاتقان شارالار جانە الەۋەتتى ينۆەستورلار ءۇشىن قولداۋدىڭ جاڭا قۇرالدارى تۋرالى حاباردار ەتتى. سونداي- اق، پاندەمياعا قاراماستان، نەمىس كومپانيالارى قازاقستان ەكونوميكاسىنا بەلسەندى تۇردە ينۆەستيتسيا سالۋدى جالعاستىرۋى جانە 2020 -جىلدىڭ جانە 2021 -جىلعى 1-توقسانىنىڭ قورىتىندىلارى بويىنشا گەرمانيادان كەلگەن ينۆەستيتسيالار كولەمى 320 ميلليون ا ق ش دوللاردان اسقانى اتاپ ءوتىلدى. گەرمان سپيكەرلەرى ءوز كەزەگىندە قازاقستانداعى تسيفرلىق تەحنولوگيالاردىڭ دامۋ قارقىنىنا وڭ باعا بەرىپ، بىرلەسكەن جوبالاردى، ونىڭ ىشىندە «جاسىل» سۋتەگى ءوندىرىسى، ەنەرگەتيكالىق نىساندار سالۋ، اۋىل شارۋاشىلىعى قالدىقتارىن قايتا وڭدەۋ، سونداي- اق تاۋ- كەن مەتاللۋرگيا كەشەنىندەگى جوبالاردى ىسكە اسىرۋعا قىزىعۋشىلىق ءبىلدىردى.

ءىس- شارا اياسىندا نەمىس كومپانيالارىمەن ءبىرقاتار ەكىجاقتى كەزدەسۋلەر وتكىزىلدى، ونىڭ بارىسىندا ىنتىماقتاستىق پەن جاڭا ينۆەستيتسيالىق جوبالاردى ىسكە اسىرۋدىڭ ناقتى ماسەلەلەرى تالقىلاندى. بەرلين ەۋرازيالىق كلۋبى 2012 -جىلى ق ر تۇڭعىش پرەزيدەنتى ن. ءا. نازاربايەۆتىڭ جانە گفر بۇرىنعى ۆيتسە- كانسلەرى، سىرتقى ىستەر ءمينيسترى ح. -د. گەنشەردىڭ باستاماسىمەن قۇرىلعان.

ب ە ك ەكونوميكانىڭ ءتۇرلى سالالارىنداعى ءوزارا ءىس- قيمىلدىڭ وزەكتى ماسەلەلەرىن تالقىلاۋ ءۇشىن مەملەكەتتىك ورگاندار، بيزنەس وكىلدەرىنىڭ، گفر جانە ەۋروپانىڭ باسقا دا ەلدەرىنىڭ ساراپشىلارى مەن پراكتيكتەرىنىڭ قاتىسۋى ءۇشىن اشىق بەيرەسمي ديالوگ پلاتفورماسى رەتىندە ارەكەت ەتەدى.