ءبىر اپتادا قازاقستاندا قانداي قىلمىستار ءجيى تىركەلدى - ءى ءى م
بۇل تۋرالى ق ر ىشكى ىستەر مينيسترلىگىنىڭ رەسمي وكىلى نۇردىلدا وراز ايتتى، دەپ حابارلايدى قازاقپارات ءتىلشىسى.
«ەلدەگى كريميوگەندى جاعدايعا توقتالايىق، ءبىر اپتا ىشىندە 3354 قىلمىس جاسالدى، ونىڭ 2273 ى تاۋلىك ىشىندە اشىلدى»، - دەدى نۇردىلدا وراز ونلاين بيريفينگىدە.
رەسمي وكىلدىڭ ايتۋىنشا، پوليتسيا قىزمەتكەرلەرى «ءىزىن سۋىتپاي» 11 كىسى ءولتىرۋدى، 10 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى، 1 قاراقشىلىق، 35 توناۋ جانە 536 بوتەن مۇلىكتى ۇرلاۋ قىلمىستارىن انىقتاعان. سونىمەن بىرگە، ن. وراز ىشكى ىستەر ءمينيسترىنىڭ اتىنا ازاماتتاردان پوليتسەيلەرگە العىس ايتقان حاتتار ءجيى تۇسەتىنىن اتاپ ءوتتى.
«ماسەلەن، شىعىس قازاقستان وبلىسىنىڭ تۇرعىنى ادىلبەك نەتبايەۆ انىقتاۋ باسقارماسىنىڭ باستىعى قازبەك تاقجانوۆقا جانە انىقتاۋشى تاتيانا تيتارەنكوعا قىلمىستىق ءىستى تەرگەۋدەگى جەدەلدىگى ءۇشىن العىس ايتتى. «مەن پوليتسيا دەپارتامەنتىنە جۇگىنگەنىمدە ولار وتىنىشىمە بىردەن نازار اۋداردى. ولاردى ساۋاتتى ءارى جەدەل ءىس- ارەكەتتەرى ناتيجەسىندە وندىرىستىك جاراقات فاكتىسى بويىنشا قىلمىستىق ءىس سوتقا جولداندى»، - دەپ جازادى ادىلبەك نەتبايەۆ. ول سونداي-اق پوليتسەيلەردىڭ قىزمەتتە تابىس تىلەدى»، - دەيدى ن. وراز.
اۆتور: ايجان سەرىكجان قىزى
