ەرلان قوجاعاپانوۆ پرەمەر-ءمينيستردىڭ كەڭەسشىسى بولىپ تاعايىندالدى

نۇر-سۇلتان. قازاقپارات – ق ر پرەمەر-ءمينيسترى اسقار ءماميننىڭ وكىمىمەن ەرلان قوجاعاپانوۆ پرەمەر-ءمينيستردىڭ كەڭەسشىسى لاۋازىمىنا تاعايىندالدى، دەپ حابارلايدى قازاقپارات ق ر پرەمەر- ءمينيسترىنىڭ باسپا ءسوز قىزمەتىنە سىلتەمە جاساپ.

ەسكە سالا كەتسەك، ەرلان قوجاعاپانوۆ مادەنيەت جانە سپورت ۆيتسە-ءمينيسترى قىزمەتىنەن بوساتىلعان ەدى. ەرلان قوجاعاپانوۆ 1968 -جىلى الماتى وبلىسىندا دۇنيەگە كەلگەن. 1992 -جىلى ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، 1999 -جىلى اباي اتىنداعى الماتى مەملەكەتتىك ۋنيۆەرسيتەتىن ءتامامداعان. 2006 -جىلى رەسەي كەدەن اكادەمياسىن بىتىرگەن. ماماندىعى بويىنشا بىلىكتىلىگى - زاڭگەر، ەكونوميست، قارجىگەر، كەدەن ءىسىنىڭ مامانى.

ەڭبەك جولىن 1989 -جىلى باستاعان. 1990-1994 -جىلدارى كاسىپكەرلىك قىزمەتپەن اينالىسقان. 1994-2007 -جىلدارى مەملەكەتتىك ورگاندار مەن كاسىپورىنداردا جۇمىس ىستەگەن. 2007-2013 -جىلدارى استانا قالاسى اكىمىنىڭ ورىنباسارى قىزمەتىن اتقارعان.

2013-2016 -جىلدارى ق ر سپورت جانە دەنە شىنىقتىرۋ ىستەرى اگەنتتىگىنىڭ ءتوراعاسى، ق ر فۋتبول فەدەراتسياسىنىڭ پرەزيدەنتى قىزمەتتەرىن اتقارعان. 2016 -جىلعى جەلتوقساننان باستاپ 2017 -جىلعى قاراشا ارالىعىندا ق ر پرەمەر-ءمينيسترى كەڭەسشىسىنىڭ م. ا.، كەڭەسشىسى قىزمەتىن اتقارعان. 2017-2020 -جىلدارى – ق ر مادەنيەت جانە سپورت ۆيتسە-ءمينيسترى. 2020-2021 -جىلدارى - الماتى قالاسى اكىمىنىڭ ءبىرىنشى ورىنباسارى. 2021 -جىلعى ساۋىردەن باستاپ قازىرگى ۋاقىتقا دەيىن ق ر مادەنيەت جانە سپورت ۆيتسە-ءمينيسترى بولدى.