ەلدە كوكونىستىڭ كەي ءتۇرى قىمباتتادى

نۇر-سۇلتان.قازاقپارات - ەلدە كوكونىس ماۋسىمى قىزىپ تۇرسا دا، كەيبىر ءونىم ءتۇرى جىلداعىدان قىمبات. ۇلتتىق ستاتيستيكا بيۋروسى ۇسىنعان اقپاراتقا سۇيەنسەك، اسىرەسە قىرىققابات پەن پيازدىڭ باعاسى وسكەن.

ازاماتتاردىڭ اققا دا اۋزى جەتپەيتىن سىڭايى بار. ءبىر جىل ىشىندە ءسۇتتىڭ دە قۇنى 9 جارىم پروتسەنتكە شارىقتاپ شىعا كەلدى. ماۋسىمنىڭ قىزعان شاعىنا قاراماستان ەلدە كوكونىستىڭ كەي ءتۇرى قىمباتتادى. اسىرەسە قىرىققاباتتىڭ باعاسى العاشقى اپتالاردا- اق 0,2 پروتسەنتكە وسكەن.

قازىر ەڭ ارزان قىرىققابات الماتىدا. كەلىسى 82 تەڭگەدەن ساتىلىپ جاتىر. تارازدا 95,، تالدىقورعاندا 99 تەڭگەدەن. ال اقتاۋدا كوكونىستىڭ بۇل ءتۇرى وزگە وڭىرلەرمەن سالىستىرعاندا ەداۋىر قىمبات. 183 تەڭگە. اتىراۋ مەن جەزقازعاندا باعا 140 تەڭگەدەن اسادى. سونداي- اق پيازدىڭ قۇنى دا قۇبىلىپ تۇر. ماسەلەن، جەزقازعاندا ونىڭ كەلىسى 129 تەڭگەدەن بولسا، اتىراۋ مەن اقتاۋدا 126 جانە 125 تەڭگە تۇرادى. ەڭ ارزان پياز تارازدا. مۇندا كەلىسى 91 تەڭگەدەن ساۋدالانىپ جاتىر. تۇركىستاندا 95، الماتىدا 99 تەڭگە شاماسىندا.

اتالعان ءونىم تۇرلەرى الەۋمەتتىك ماڭىزى بار ازىق تۇلىك ساناتىنا كىرەدى. جىل باسىنان بەرى ولار 9,7 پروتسەنتكە قىمباتتاعان. قىمباتشىلىق اسىرەسە تۇركىستان وبلىسى، نۇر- سۇلتان، قىزىلوردا، اقتوبە جانە كوكشەتاۋدا قاتتى سەزىلەدى.

ءدارى- دارمەك نارىعىنداعى جاعداي

ءدارى- دارمەك نارىعىندا باعاعا كەلەر بولساق، ەڭ قاجەت دەگەن مەديتسينالىق ماسكالار جىل باسىنان بەرى 14 پروتسەنتكە، پاراتسەتامول 12 پروتسەنتكە ارزانداعان. مۇنداي مالىمەتتى ۇلتتىق ستاتيستيكا بيۋروسى ءمالىم ەتتى. دەگەنمەن كەيبىر ءدارى- دارمەك تۇرلەرى مەن بۇيىمداردىڭ قۇنى وسكەنى بايقالادى. ماسەلەن، ستەريلدى ءبينتتىڭ باعاسى كەيىنگى ايلاردا ءبىر جارىم پروتسەنتكە كوتەرىلگەن. سونىمەن قاتار، ەتيل ءسپيرتى 0,7 پروتسەنتكە قىمباتتاپ، 142 تەڭگەگە جەتسە، يود ەرىتىندىسىنىڭ باعاسى ءبىر پروتسەنتكە ءوسىپ، 91 تەڭگە بولدى.

اقتىڭ دا باعاسى اسپاندادى

سونداي- اق اقتىڭ باعاسى دا اسپاندادى. ەنەرگي- كوم سايتىنىڭ مالىمەتىنە سۇيەنسەك، بيىل ءسۇت 9 جارىم پروتسەنتكە قىمباتتاعان. بۇل كەيىنگى ءۇش جىلدا بولماعان جاعداي. اعارعاننىڭ قۇنى اسىرەسە وسكەمەن جانە قاراعاندىدا ايتارلىقتاي كوتەرىلگەن. جالپى قازىر دۇكەن سورەلەرىندە پاستەرلەنگەن ءسۇت 254 تەڭگەدەن ساۋدانالاپ جاتىر.

ۇلتتىق ستاتيستيكا بيۋروسىنىڭ مالىمەتى بويىنشا 6-ايدا وتاندىق ءونىم وندىرۋشىلەر ىشكى سۇرانىستىڭ 96 پروتسەنتىن وتەگەن. دەگەنمەن بيىل ءسۇتتى تۇتىنۋ كورسەتكىشى جىلداعىدان از. ءار قازاقستاندىق ىشكەن ءسۇتتىڭ مولشەرى 4 ليترگە دە جەتپەيدى.

كريپتوۆاليۋتا قۇلدىرادى

بيتكوين اپتا ىشىندە 10 پروتسەنتكە ارزانداپ كەتتى. الەمدەگى ءبىرىنشى كريپتوۆاليۋتا قازىر 45 مىڭ جارىم دوللاردان ساۋدالانىپ جاتىر. بۇعان سالۆادوردا بيتكويننىڭ رەسمي تولەم قۇرالى رەتىندە تانىلۋى سەبەپ، دەيدى ماماندار. بيلىك بۇل قادامعا حالىقتىڭ 70 پروتسەنتى قارسى بولسا دا باردى. ءتىپتى ەلدىڭ ءار جەرىندە نارازىلىق شەرۋلەرى ءوتتى. سوعان قاراماستان ۇكىمەت جاڭا جۇيەنى اينالىمعا ەنگىزۋ ءۇشىن 550 بيتكوين ساتىپ العان.

سالۆادورداعى جاعداي ەلەس اقشانىڭ ەندى ءبىر تۇرىنە وڭ اسەر ەتتى. ماسەلەن، سا- لانا ساناۋلى كۇن ىشىندە 30 پروتسەنتكە قىمباتتاپ شىعا كەلدى. قازىر كومپانيانىڭ نارىقتاعى قۇنى 54 ميلليارد دوللارعا جەتكەن. وسىلايشا، اپتا قورىتىندىسىنا ساي سالانا الەمدەگى ەڭ قىمبات 6- كريپتوۆاليۋتا اتاندى.

www.24.kz