رەسەيدە ۇشاق اپاتىنان ءتورت ادام قازا تاپتى
جەرگىلىكتى ۋاقىتپەن 23:15-تە ەكى موتورلى L-410 ۇشاعى يركۋستكىدەن 500 شاقىرىم قاشىقتاعى كازاچينسكوە اۋىلىنان 4 شاقىرىم جەرگە قۇلاعان. پروكۋراتۋرانىڭ مالىمەتىنشە، ۇشاق كەنتتەگى اۋەجايعا قونۋ ءۇشىن ەكىنشى اينالىمعا كەتپەك بولعان. يركۋتسك گۋبەرناتورى يگور كوبزيەۆتىڭ ايتۋىنشا، بورتتا ءورت شىقپاعان. باستاپقىدا ۇشاق ورتەندى دەپ حابارلانعان ەدى. سوڭعى مالىمەت بويىنشا، ءتورت ادام كوز جۇمعان، ونىڭ ەكەۋى جولاۋشى، ەكەۋى ۇشقىش.
ر ف ت ج م- نىڭ مالىمەتىنشە، 12 ادام زارداپ شەككەن. بىرەۋىنىڭ جاعدايى اۋىر، قالعاندارى جەڭىل جاراقات العان. ءتورت ادام جانساقتاۋ بولىمىنە تۇسكەن. بورتتا 14 ادام مەن ەكى ەكيپاج مۇشەسى بولعان. بارلىعى ەرەسەكتەر، بالا جوق.
كولىك پروكۋراتۋراسى وقىس وقيعا بويىنشا تەكسەرۋدى باستادى. اپاتتىڭ سەبەبى رەتىندە - قوزعالتقىشتىڭ ىستەن شىعۋى جانە ەكيپاجدى قاتەلىگى قاراستىرىلىپ وتىر. تەرگەۋ كوميتەتى قىلمىستىق ءىس قوزعادى. 15 -قىركۇيەك يركۋتسك وبلىسىندا قارالى كۇن دەپ جاريالاندى.
