10:40, 12 - قىركۇيەك 2021 | GMT +5
اۋعانستاننان كەلگەن قانداستاردىڭ ازاماتتىعىن راسىمدەۋ قارالىپ جاتىر - ەرلان قارين
نۇر- سۇلتان. قازاقپارات - وسىدان 3 كۇن بۇرىن ەلىمىزگە اۋعانستاننان ءبىر توپ قانداس ورالدى. ولار كاراتينگە جىبەرىلدى. وتانداستارىمىزدىڭ ەرتەڭىنە قاتىستى جوسپارمەن ق ر پرەزيدەنتىنىڭ كومەكشىسى ەرلان قارين ءبولىستى، دەپ حابارلايدى قازاقپارات ءتىلشىسى.
«ءبىرىنشى ماقسات - اۋعاستاننان كەلگەن قانداستاردىڭ دەنساۋلىعى مەن قاۋىپسىزدىگىن قامتۋ. سوندىقتاندا ولار الدىمەن كارانتينگە جىبەرىلدى. سودان سوڭ وتانداستارىمىزدىڭ ازاماتتىعىن راسىمدەۋ پروتسەسى باستالادى. بۇگىندە ول ءۇشىن قاجەتتى شەشىمدەر قارالىپ جاتىر. ودان كەيىن ءتيىستى جوسپار بار، سول بويىنشا ارەكەت ەتەمىز»، - دەدى ەرلان قارين.
سونداي- اق، پرەزيدەنت كومەكشىسى قانداستارىمىزدى جۇمىسپەن قامتىپ، بالالارىنا ءبىلىم بەرۋدى ۇيىمداستىرۋدا نازاردان تىس قالمايتىنىن ايتتى.
ەسكە سالا كەتسەك، 9 -قىركۇيەك كۇنى قازاقستان پرەزيدەنتى قاسىم- جومارت توقايەۆتىڭ تاپسىرماسىنا سايكەس اۋعانستاننان 35 قانداس تاريحي وتانىنا ورالدى. كەيىن بەلگىلى بولعانداي اۋعانستاننان كەلگەن قانداستاردىڭ ەشقايسىنان كوروناۆيرۋس تابىلعان جوق.
