قىتايدىڭ وڭتۇستىك- شىعىسىندا كوروناۆيرۋس ءورشىپ جاتىر

بەيجىڭ. قازاقپارات - قىتايدىڭ وڭتۇستىك- شىعىسىنداعى فۋجيان پروۆينتسياسىندا كارانتين شارالارىنىڭ قاتاڭداعانىنا قاراماستان كوروناۆيرۋس ينفەكسياسى ءورشىپ جاتىر، دەپ حابارلايدى قازاقپارات مەنشىكتى ءتىلشىسى.

ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتىنىڭ حابارلاۋىنشا، وتكەن تاۋلىكتە فۋجيان پروۆينتسياسىندا 21 ادام كوروناۆيرۋس جۇقتىرعان. ولاردىڭ باسىم كوپشىلىگى ءۇش ميلليوننان استام تۇرعىنى بار تەڭىز جاعاسىنداعى پۋتيان قالاسىنىڭ تۇرعىندارى. 11 - قىركۇيەكتەن باستاپ COVID-19 تارالۋ قاۋپىنە بايلانىستى پۋتيانعا (فۋجيان پروۆينتسياسى) قاتىنايتىن قالا ارالىق جانە ايماق ارالىق مارشرۋتتىق تاكسيلەردىڭ جۇمىسى ۋاقىتشا توقتاتىلدى، سونىمەن قاتار باسقا ايماقتارعا باراتىن جولاۋشىلار اۆتوبۋسى توقتاتىلدى. ەلدى مەكەندەگى سپورتتىق، دەمالىس، ويىن- ساۋىق جانە باسقا دا ورىندار ۋاقىتشا جابىلدى. قالادان شىعۋ ءۇشىن كوروناۆيرۋسقا تەست تاپسىرۋ قاجەت.

وتكەن سەنبىدە ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتى كوروناۆيرۋستىڭ الدىن الۋ جانە باقىلاۋ جۇمىستارىن باسقارۋ ءۇشىن فۋجيان پروۆينتسياسىنا جۇمىس توبىن جىبەردى. رەسمي اقپاراتقا سايكەس، قۇرلىقتىق قىتايدا ناۋقاستاردىڭ % 94,35- ى ەمدەلگەن. 2019 -جىلدىڭ جەلتوقسان ايىنان باستاپ جۇقتىرعاندار سانى 95,1 مىڭ ادامنان استى. وتكەن جۇمادا قۇرلىقتىق قىتايدا ك ۆ ي ۆاكسيناسىنىڭ شامامەن 2,13 ميلليارد دوزاسى سالىندى. سونداي- اق، قىتاي ۆاكسينالارىنىڭ 60 ميلليوننان استام دوزاسىن 12-17 جاس ارالىعىنداعى جاستار ەكتىرگەنى حابارلاندى.

اۆتورى: رۋسلان سۇلەيمەنوۆ