ەلىمىزدە جول ماسەلەسى قالاي شەشىلىپ جاتىر؟
«ەلىمىزدىڭ جولدارىنا قاتىستى سىن ۇنەمى ايتىلاتىنى راس. ول - مەردىگەر كومپانيالاردىڭ جىبەرگەن ولقىلىقتارى. ءبىز ولاردى جويۋ ءۇشىن بۇگىندە ءتيىستى جۇمىس جۇرگىزىپ جاتىرمىز»، - دەدى ۆيتسە-مينيستر.
بەرىك كاماليەۆ سونداي-اق، جوبالىق-سمەتالىق قۇجاتتاردى ساپالى دايىنداۋ قاجەت ەكەنىن ايتتى.
«مىسالى، قازاقستاننىڭ ءار ءوڭىرىنىڭ كليماتى ءارتۇرلى. جوبالىق-سمەتالىق قۇجاتتاردى دايىنداعاندا سونى ەسكەرۋ كەرەك. وسى ماسەلەگە بايلانىستى ءبىز جول سالاسىندا ەڭبەك ەتىپ جۇرگەن كومپانيالارعا، مەردىگەرلەرگە، جوبالىق ينستيتۋتتارعا ءتيىستى تاپسىرمالار بەرەمىز»، - دەدى ول.
ۆيتسە-ءمينيستردىڭ ايتۋىنشا، جەرگىلىكتى جەرلەردە، وبلىستىق، اۋداندىق جولداردا، قالا ىشىندەگى جولداردا كوپ ماسەلە بار. ول ماسەلەلەردى شەشۋ ءۇشىن ق ر ۇكىمەتى بۇل جولداردىڭ ساپاسىن رەسپۋبليكالىق دەڭگەيگە جەتكىزۋ تۋرالى تاپسىرما بەرگەن.
«وسىعان وراي «جول اكتيۆتەرىنىڭ ۇلتتىق ساپا ورتالىعى» قۇرىلعان. ەندى وسى ورتالىق ارقىلى رەسپۋبليكالىق ماڭىزى بار جولداردان بولەك، وبلىستىق، اۋداندىق، جەرگىلىكتى جەرلەردەگى جولداردىڭ دا ساپاسىن قاداعالايتىن بولامىز. ءبىز سونداي شەشىم قابىلدادىق»، - دەپ اتاپ ءوتتى ول.
