ب ۇ ۇ: تالىپتەردىڭ ۇيىم قىزمەتكەرلەرىن قۋدالاۋى جيىلەدى

نۇر- سۇلتان. قازاقپارات - اۋعانستاندا تالىپتەر بيلىككە كەلگەلى بىرىككەن ۇلتتار ۇيىمىنىڭ قىزمەتكەرلەرىن قۋدالاۋى جيىلەگەن.

بۇل تۋرالى ۇيىمنىڭ اۋعانستان بويىنشا ارنايى وكىلى دەبورا لايونس قاۋىپسىزدىك كەڭەسىنىڭ وتىرىسىندا مالىمدەدى.

ونىڭ ايتۋىنشا تامىز ايىنىڭ ورتاسىنان تالىپتەردىڭ ۇيىم كەڭسەلەرىن توناۋى مەن ونىڭ وكىلدەرىنە جاسىرىن قوقان لوقىسى كوبەيگەن. ا ق ش تا تالىپتەردىڭ ۇيىمنىڭ ايەل قىزمەتكەرلەرىنە كەڭسەلەرگە تەك ەر ادامنىڭ قاراۋىمەن بارۋدى تالاپ ەتكەنىن ايتادى. وسىعان بايلانىستى راديكالدى قوزعالىستان ۇيىم جۇمىسىنا كەدەرگى كەلتىرۋدى توقتاتۋعا شاقىردى.

دەبورا لايونس، ب ۇ ۇ- نىڭ اۋعانستان بويىنشا ارنايى وكىلى:

- ءبىزدى تالىپتەردىڭ ۇيىمنىڭ قىزمەتكەرلەرىنىڭ ارتىنا ءتۇسىپ قورقىتىپ قۋدالاعانى الاڭاداتادى. ءبىز قىزمەتكەرلەرىمىزدىڭ قاۋىپ- قاتەردەن ساقتاپ، ولارعا قولداۋ كورسەتۋ ءۇشىن بار كۇشىمىزدى سالامىز. ءبىراق ۇيىم اۋعان حالقىنا اسا قاجەتتى جۇمىستى قازىرگىدەي جاعدايدا جۇرگىزە المايدى.

ب ۇ ۇ اۋعانستانعا ەكونوميكالىق كومەكتى جالعاستىرۋعا شاقىردى. ب ۇ ۇ حالىقارالىق قاۋىمداستىقتى تالىپتەر بيلىككە كەلگەلى ءار ەلدە بۇعاتتالعان قارجىنى بوساتۋعا دا شاقىردى. بۇلاي ەتپەگەن جاعدايدا اۋعانستانعا گۋمانيتارلىق داعدارىس ورنايدى دەيدى.

ايتا كەتەيىك، اۋعانستاندا «تاليبان» بيلىكتى باسىپ العالى حالىقارالىق ۇيىمدار ەلدەگى جوبالاردى قارجىلاندىرۋدى توقتاتقان. ال رەسمي دەرەككە قاراعاندا 38 ميلليون تۇرعىنى بار ەلدە حالىقتىڭ 72 پروتسەنتى كەدەيشىلىكتە ءومىر سۇرەدى.

www.24.kz