قازاقستاندا ۆاكسينالاۋ بويىنشا جۇرگىزىلەتىن رەيدتەردىڭ الگوريتمى ماقۇلداندى
بۇل تۋرالى قازاقپارات COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىنا سىلتەمە جاساپ حابارلايدى. الگوريتم دەنساۋلىق ساقتاۋ مينيسترلىگى، مۇددەلى مەملەكەتتىك ورگاندار جانە «اتامەكەن» ۇ ك پ- مەن ازىرلەندى.
رەيد بارىسىندا مونيتورينگتىك توپ بۇرىن انىقتالعان بۇزۋشىلىقتاردان بولەك، كاسىپورىن قىزمەتكەرلەرىنىڭ COVID-19 ۆيرۋسىنا قارسى ەكپەنىڭ ءبىرىنشى كومپونەنتىن سالدىرعان- سالدىرماعانىن تەكسەرەدى. قىزمەتكەرلەر سانى 50 ادامنان اساتىن جانە ۇجىمداعى ادامداردىڭ %60- دان ازى COVID-19 ۆاكسيناسىنىڭ ءبىرىنشى كومپونەنتى سالدىرعان كاسىپورىنداردىڭ ءتىزىمى جوبالىق كەڭسەنىڭ ۆاكسيناتسيا كارتاسى نەگىزىندە جاسالادى. م ت رەيدىن تىركەۋ ءتارتىبى InfoKazakhstan ەلەكتروندىق پلاتفورماسىندا جۇزەگە اسىرىلادى.
م ت وبەكتىگە شىعۋ كەزىندە جۇمىس بەرۋشى ۆاكسينا العان جانە ۆاكسيناتسيالاۋدان بوساتۋ تۋرالى قۇجاتتارى بار قىزمەتكەرلەردى (7 كۇننەن اسپايتىن مەرزىمدەگى پ ت ر- زەرتتەۋلەر، تۇراقتى/ۋاقىتشا مەديتسينالىق قارسى كورسەتكىشتەر نەمەسە ساۋىققاننان كەيىن 3 اي ىشىندە COVID-19 اۋىرىپ جازىلعان ادامدار) كورسەتە وتىرىپ، تولىق ءتىزىم (اتى-ءجونى، ج س ن) ۇسىنادى.
م ت ىرىكتەمەلى تۇردە (قىزمەتكەرلەر سانى 50 دەن 200 ادامعا دەيىن - قىزمەتكەرلەردىڭ كەمىندە %10 ى، 201 دەن 500 گە دەيىن- كەمىندە %5، 501 دەن 1000 عا دەيىن- كەمىندە %3، 1000 نان جوعارى-كەمىندە %1) «ASHYQ» قوسىمشاسى ارقىلى قىزمەتكەرلەردىڭ مارتەبەسىن تەكسەرەدى جانە جۇمىس بەرۋشى ۇسىنعان قىزمەتكەرلەر تىزىمىمەن سالىستىرىپ تەكسەرەدى.
«جاسىلدان» باسقا مارتەبەسى بار قىزمەتكەرلەر انىقتالعان جاعدايدا، ونىڭ ۆاكسيناتسياسىز جۇمىس ورنىندا بولۋ قۇقىعىن بەرەتىن اقپارا (انىقتاما) سۇراتىلادى (مەرزىمى 7 كۇننەن اسپايتىن پ ت ر- تەستىلەۋ ناتيجەسى، تۇراقتى/ۋاقىتشا مەديتسينالىق قارسى كورسەتكىشتەر نەمەسە ساۋىققاننان كەيىن 3 اي ىشىندە COVID-19 ىندەتىنەن جازىلعان ادامدار).
ۆاكسيناتسيا ءتارتىبىنىڭ بۇزىلعانى راستالعان جاعدايدا م ت ناقتى وسى تۇلعالاردى كورسەتە وتىرىپ ماتەريالدار قالىپتاستىرادى جانە كەيىننەن شەشىم قابىلداۋ ءۇشىن سەس ورگاندارىنا جىبەرەدى. كاسىپورىنعا (باسشىعا نە وزگە ۋاكىلەتتى تۇلعاعا) ۆاكسيناتسيالانباعان جۇمىسكەرلەردى قىزمەت وبەكتىسىنە جىبەرۋدى شەكتەۋ قاجەتتىلىگى تۇسىندىرىلەدى.
سانيتاريالىق- ەپيدەميولوگيالىق قىزمەت ورگاندارى م ت- تان كەلىپ تۇسكەن ماتەريالداردىڭ نەگىزىندە وبەكتىگە سانيتاريالىق- ەپيدەمياعا قارسى جانە سانيتاريالىق- پروفيلاكتيكالىق ءىس- شارالار جۇرگىزۋ تۋرالى قاۋلى بەرەدى (جولدايدى).
م ت قاۋلىدا بەلگىلەنگەن مەرزىم ىشىندە قىزمەتكەرلەردى جۇمىس ورىندارىنا نەگىزسىز جىبەرۋ فاكتىلەرىن قايتا انىقتاعان كەزدە جۇمىس بەرۋشىنى ق ر ا ق ب ت ك سايكەس اكىمشىلىك جاۋاپكەرشىلىككە تارتۋ تۋرالى ماسەلە قارالادى. جەرگىلىكتى اتقارۋشى ورگاندار وبەكتىلەرگە اكىمشىلىك شارالاردى قولدانۋ ناتيجەلەرى بويىنشا وبەكتىنىڭ «Ashyq» جوباسىنا قاتىسۋىن توقتاتا تۇرادى.
