قازاقستاننىڭ شەت ەلدەردەگى ەلشىلىكتەرىندە ەلەكتروندىق سيفرلىق قولتاڭبانى الۋعا بولادى

نۇر-سۇلتان. قازاقپارات - پيلوتتىق جوبا شەڭبەرىندە قازاقستان ازاماتتارى ەلىمىزدىڭ شەت ەلدەردەگى ەلشىلىكتەرى مەن كونسۋلدىقتارىنان ەلەكتروندىق سيفرلىق قولتاڭبانى الۋىنا بولادى، دەپ حابارلايدى قازاقپارات س ءى م باسپا ءسوز قىزمەتىنە سىلتەمە جاساپ.

بۇگىنگى تاڭدا پيلوتتىق جوبا ءابۋ-دابي، بىشكەك، ۆاشينگتون، ماسكەۋ، نيۋ-يورك، پراگا، سانكت-پەتەربۋرگ، سەۋل، ىستانبۇل جانە ماينداعى-فرانكفۋرت قالالارىندا ورنالاسقان 10 ديپلوماتيالىق وكىلدىكتە جۇمىس ىستەيدى.

جوبانىڭ ماقساتى - ەلدەن تىس جەردە تۇراقتى نەمەسە ۋاقىتشا بولاتىن وتانداستارعا ەلەكتروندى ۇكىمەت پورتالىنىڭ بارلىق اۆتوماتتاندىرىلعان قىزمەتتەرىن، ونىڭ ىشىندە سىرتقى ىستەر مينيسترلىگىنىڭ ەلەكتروندى قىزمەتتەرىن قولجەتىمدى ەتۋ.

شەت ەلدەردەگى مەكەمەگە بارار الدىندا ازاماتتار قازاقستان رەسپۋبليكاسىنىڭ ۇلتتىق كۋالاندىرۋشى ورتالىعىنىڭ پورتالىندا «جەكە تۇلعالارعا ارنالعان ە س ق» الۋ ءۇشىن الدىن الا ءوتىنىم بەرۋ قاجەت. ول ءۇشىن NCALayer باعدارلاماسىن ورناتىپ، ج س ن ەنگىزىپ، ءتيىستى باعانداردى تولتىرۋ قاجەت.

ءوتىنىش بەرۋشىنىڭ جەكە باسىن كۋالاندىراتىن قۇجات جانە ءوتىنىم بەرگەننەن كەيىن قالىپتاستىرىلعان، بىرەگەي ءنومىرى مەن ءوزىنىڭ قولى بار ءوتىنىش نەگىزىندە كونسۋلدىق لاۋازىمدى ادام ە س ق كىلتىن شىعارۋعا ءوتىنىمدى اقپاراتتىق جۇيەدە راستاي الادى.

بۇدان كەيىن ءوتىنىش بەرۋشى ۇلتتىق كۋالاندىرۋشى ورتالىعىنىڭ پورتالىندا شىعارىلعان سەرتيفيكاتتاردى (ە س ق) ىسكە قوسۋى قاجەت.

ايتا كەتەرلىگى، قازاقستاننىڭ موبيلدى ازاماتتارى بازاسىندا تەلەفون ءنومىرى تىركەلگەن جاعدايدا ە س ق- نى قاشىقتان (بارماي) الۋعا بولادى.