الماتىلىق ارۋ تۇركيادا وتەتىن سۇلۋلار سايىسىندا قازاقستان نامىسىن قورعايدى

الماتى. قازاقپارات- الماتىلىق لاۋرا مۇحتار تۇركيادا وتەتىن سۇلۋلار سايىسىندا قازاقستان نامىسىن قورعايدى دەپ حابارلايدى قازاقپارات ءتىلشىسى.

Miss Aura International 2021 سۇلۋلىق سايىسى 20- قىركۇيەك پەن 5- قازان ارالىعىندا انتاليا قالاسىندا وتەدى. سايىسقا الەمنىڭ ءار تۇكپىرىنەن 70-تەن استام ارۋ جينالماق.

سايىس «دارىندىلار سايىسى»، «شومىلۋ كيىمدەرىنىڭ دەفيلەسى»، «كەشكى جانە ۇلتتىق كيىمدەر» سەكىلدى ءۇش كەزەڭنەن تۇرادى. سونداي- اق، قاتىسۋشىلار الەۋمەتتىك جانە قايىرىمدىلىق اكسيالارىنا قاتىسادى.

قازىرگى ۋاقىتتا لاۋرا بايقاۋعا بەلسەندى دايىندالىپ، ۇلتتىق جانە كەشكى بەينەلەردى ىزدەۋمەن اينالىسىپ جۇرگەنىن ايتتى. جالپى، لاۋرانىڭ ايماقتىق جانە حالىقارالىق كونكۋرستارعا قاتىسۋ تاجىريبەسى مول ەكەنىن ايتا كەتۋ كەرەك.

بۇعان دەيىن ول «الماتى ارۋى-2018» فينالىنا دەيىن جەتىپ، وندا «سپورت- ديۆا» جانە People Choice سەكىلدى ەكى نوميناتسيانى جەڭىپ العان. 2019 -جىلى لوندوندا وتكەن Miss USSR UK بايقاۋىندا « Ⅱ ۆيتسە- ميسس» اتاعىن جەڭىپ الدى. كيەۆتەگى Miss Queen Europe 2019 بايقاۋىندا باستى تيتۋلدى جەڭىپ الدى.

ايتا كەتەيىك، ۇمىتكەرىمىز ت. جۇرگەنوۆ اتىنداعى قازاق ۇلتتىق ونەر اكادەمياسىندا قويۋشى- رەجيسسەر ماماندىعىنا وقىعان. قازىرگى ۋاقىتتا ول حورەوگراف، سونداي- اق، كينوعا ءتۇسىپ، مودەل بولىپ جۇمىس ىستەيدى. لاۋرا تەننيس ويناۋدى، اتقا ءمىنۋدى، كىتاپ وقىعاندى جانە ءان ايتقاندى ۇناتادى.

اۆتور: دۋمان ارعىنگەلدى