پرەزيدەنت پەتروپاۆلداعى ەلەكتروتەحنيكا زاۋىتىنا باردى
مەملەكەت باسشىسى سولتۇستىك قازاقستان وبلىسىنا جاساعان جۇمىس ساپارى اياسىندا پەتروپاۆلداعى «Alageum Electric» ەلەكتروتەحنيكا زاۋىتىنىڭ جۇمىسىمەن تانىستى. پرەزيدەنتكە ترانسفورماتور ءوندىرىسىنىڭ تەحنولوگيالىق جەلىسى كورسەتىلىپ، كاسىپورىن قىزمەتكەرلەرىنە كورسەتىلىپ جاتقان الەۋمەتتىك قولداۋ شارالارى مەن ءوندىرىستى ودان ءارى كەڭەيتۋ جوسپارلارى تۋرالى ايتىلدى.
زاۋىتتىڭ قۇرىلىسىنا 10 ميلليارد تەڭگە ينۆەستيتسيا سالىنعان. جوبالىق قۋاتى بويىنشا كاسىپورىن جىلىنا 13 مىڭ ترانسفورماتور شىعارادى دەپ جوسپارلانعان. شىعارىلاتىن ءونىمنىڭ 98 پايىزى ت م د ەلدەرىنە ەكسپورتتالادى. كاسىپورىن ەڭبەككەرلەرى، سونىڭ ىشىندە وڭتۇستىك وڭىردەن كوشىپ كەلۋشىلەر جەڭىلدىكپەن تۇرعىن ءۇي الۋ مۇمكىندىگىنە يە. تالىمگەرلەرگە وقۋعا جانە كەيىن جۇمىسقا ورنالاسۋعا جاعداي جاسالادى.
كەزدەسۋ سوڭىندا قاسىم- جومارت توقايەۆ ەڭبەك ۇجىمىمەن اڭگىمەلەستى. پرەزيدەنت كاسىپورىننىڭ جۇمىسى مەن ونىڭ ەكسپورتتىق الەۋەتىنە جوعارى باعا بەردى. مەملەكەت باسشىسى زاۋىتتىڭ تابىستى دامي بەرەتىنىنە سەنىم ءبىلدىرىپ، وتاندىق ءونىم وندىرۋشىلەرگە ۇكىمەت تاراپىنان جان- جاقتى كومەك كورسەتىلەتىنىن ايتتى.
