باعاعا باقىلاۋ جۇرگىزەتىن نەگىزگى مەملەكەتتىك ورگان ايقىندالادى

نۇر-سۇلتان. قازاقپارات - شەكتەۋ قويىلعان كەپىلدىكتەگى اكتيۆتەردى ەكونوميكالىق اينالىمعا قايتارۋ تۋرالى زاڭ جوباسى ازىرلەنەدى.

بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى اسەت ەرعاليەۆ ءمالىم ەتتى، دەپ حابارلايدى قازاقپارات ءتىلشىسى.

ءمينيستردىڭ ايتۋىنشا، پرەزيدەنت جولداۋىن ىسكە اسىرۋ جالپىۇلتتىق جوسپارىنىڭ ءبىرىنشى باعىتىندا 27 ءىس-شارانى ىسكە اسىرۋ كوزدەلگەن.

«كاسىپكەرلىكتى دامىتۋ ءۇشىن «قاراپايىم زاتتار ەكونوميكاسى» جانە «بيزنەستىڭ جول كارتاسى» باعدارلامالارىن 2022 -جىلى ىسكە اسىرۋ جالعاساتىن بولادى. جالپى العاندا، قارجىلاندىرۋ كولەمى كەمىندە 1 تريلليون تەڭگەنى قۇرايدى. مەملەكەت قارجىسىنىڭ تيىمدىلىگىن ارتتىرۋ ماقساتىندا مەملەكەت قارجىسىن باسقارۋ تۇجىرىمداماسى ازىرلەنەدى. تۇجىرىمداما بيۋدجەت ساياساتىن، مەملەكەتتىك بورىشتى باسقارۋ، سونداي-اق ۇلتتىق قوردىڭ قاراجاتىن قالىپتاستىرۋ جانە پايدالانۋ ماسەلەلەرىن قامتيدى.

«وندىرۋشىدەن تۇتىنۋشىعا دەيىن» تىزبەگى بويىنشا باعالاردى ءبىرىڭعاي باقىلاۋ ءۇشىن نەگىزگى مەملەكەتتىك ورگان ايقىندالاتىن بولادى»، - دەدى ول.

ءا. ەرعاليەۆتىڭ اتاپ وتۋىنشە، «جەكە قوسالقى شارۋاشىلىقتار تۋرالى» زاڭ ازىرلەنەدى. اۋىل شارۋاشىلىعىندا سۋبسيديالاۋ تەتىكتەرىن ۇزاق مەرزىمگە بەكىتۋ دە كوزدەلىپ وتىر.

«سيفرلاندىرۋ جونىندەگى ۇلتتىق جوبانىڭ اياسىندا كەمىندە 100 مىڭ جوعارى بىلىكتى ءىت- مامانىن دايارلاۋ، سيفرلىق سالاداعى قىزمەتتەر مەن تاۋارلاردىڭ ەكسپورتىن 2025 -جىلعا قاراي كەمىندە 500 ميلليون دوللارعا دەيىن جەتكىزۋ جوسپارلانۋدا. ينۆەستورلارعا كەشەندى سەرۆيستىك قولداۋ كورسەتۋ ماقساتىندا ۇلتتىق گەولوگيالىق قىزمەت قۇرىلادى. شەكتەۋ قويىلعان كەپىلدىكتەگى اكتيۆتەردى ەكونوميكالىق اينالىمعا قايتارۋ تۋرالى زاڭ جوباسى ازىرلەنەدى. وتاندىق ونەركاسىپ ءۇشىن شيكىزات تاۋارلار باعاسىنىڭ قولجەتىمدىلىگىن جانە كولەمىنىڭ جەتكىلىكتىلىگىن قامتاماسىز ەتۋ بويىنشا ءىس-شارالار دايىندالادى»، - دەدى مينيستر.

اۆتور: مارلان جيەمباي