مينيسترلىك تەڭگەنىڭ قۇنسىزدانۋىنىڭ ەڭ نەگىزگى سەبەبىن ايتتى
بۇل تۋرالى ۇكىمەت وتىرىسىندا ينفلياتسياعا قارسى دەن قويۋ شارالارىنىڭ كەشەنىن تالقىلاۋ كەزىندە ۇلتتىق ەكونوميكا ءمينيسترى اسەت ەرعاليەۆ ءمالىم ەتتى، دەپ حابارلايدى قازاقپارات ءتىلشىسى. «جاھاندىق پاندەميا بۇكىل الەمدەگى ينفلياتسيالىق پروتسەستەرگە قىسىم جاسايتىن بۇرىن- سوڭدى بولماعان ماكروەكونوميكالىق سوققىعا اينالدى. لوگيستيكالىق تىزبەكتەردىڭ بۇزىلۋى، سۇرانىستاعى قۇرىلىمدىق وزگەرىستەر، ەكونوميكانى قولداۋعا باعىتتالعان ەكسپانسيالىق مونەتارلىق جانە فيسكالدىق باعدارلامالاردى قابىلداۋ جانە باسقا دا ترەندتەردىڭ اسەرىنەن بۇگىنگى كۇنى ينفلياتسيانىڭ ءوسۋى بۇكىل الەمدە بايقالدى. ناتيجەسىندە، حالىقارالىق قارجى ۇيىمدارى 2021 -جىلى ينفلياتسيانىڭ بۇكىل الەمدە %3,9 عا جەدەلدەۋىن بولجايدى. قازاقستاندا بيىلعى تامىزدا ينفلياتسيانىڭ اي سايىنعى ءوسۋى %0,5 دى قۇرادى»، - دەدى ءا. ەرعاليەۆ.
ونىڭ ايتۋىنشا، ماۋسىمارالىق فاكتورلار جانە كەيىنگە قالدىرىلعان سۇرانىس اسەرىنەن اقىلى قىزمەتتەر ءارى ازىق-تۇلىك ەمەس تاۋار باعالارىنىڭ ءوسۋىنىڭ ۇلەسى ارتتى. وسىنىڭ سالدارىنان، اقىلى قىزمەتتەر بويىنشا باعالاردىڭ ءوسۋى %0,8، ازىق-تۇلىك ەمەس تاۋارلار بويىنشا - %0,6، ازىق- تۇلىك تاۋارلارى بويىنشا %0,1 قۇرادى.
«جىلدىق ەسەپتەۋدە قازاقستاندا ينفلياتسيا 8 ايدىڭ قورىتىندىسى بويىنشا %8,7 دى قۇرادى جانە تاريحي قالىپتاسقان قۇرىلىمعا سايكەس، ونىڭ %50 دان استامى ازىق-تۇلىك تاۋارلارى باعاسىنىڭ وسۋىنە تيەسىلى بولىپ وتىر»، - دەدى مينيستر.
اۆتور: رۋسلان عابباسوۆ
