قازاقستاندا جالعا بەرىلەتىن پاتەرلەر، بازارلار مەن جاستار جينالاتىن ورىندار تەكسەرىلەدى

نۇر- سۇلتان. قازاقپارات - قازاقستاندا «ۋچاسكە» جەدەل الدىن الۋ ءىس- شاراسى ءوتىپ جاتىر. بۇل تۋرالى ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز ايتتى، دەپ حابارلايدى قازاقپارات ءتىلشىسى.

«قازىرگى كەزدە ەل اۋماعىندا «ۋچاسكە» جەدەل الدىن الۋ ءىس- شاراسى وتكىزىلىپ جاتىر. وپەراتسيا 1 - قىركۇيەكتەن 1 - جەلتوقسانعا دەيىن جالعاسادى. وسى ورايدا ۋچاسكەلىك ينسپەكتورلار وزدەرىنە بەكىتىلگەن اۋماقتا حالىقپەن تانىسۋ، سونداي- اق ءتۇرلى قۇقىقبۇزۋشىلىق جاسايتىن ادامداردى جانە ىشكى ىستەر ورگاندارىندا ەسەپتە تۇرعانداردى انىقتاۋ ءۇشىن ۇيلەردى ارالايدى»، - دەدى ن. وراز اپتالىق ونلاين بريفينگىدە.

سونىمەن قاتار جالعا بەرىلەتىن پاتەرلەر، بازارلار مەن وزگە دە ساۋدا ورىندارى، جاستار مەن كامەلەتكە تولماعاندار كوپتەپ جينالاتىن جەرلەر، ازاماتتىق قارۋ يەلەرى مەن شەتەلدىكتەر تەكسەرىلەدى. پوليتسەيلەر ساياجايلاردا، قۇرىلىس نىساندارىندا، قاراۋسىز قالعان عيماراتتاردا تەكسەرۋ جۇرگىزىپ جاتىر.

«اۋىلدى جەرلەردە نەگىزگى كۇش- جىگەر قىستاۋلاردى تەكسەرۋگە جانە تۇرعىلىقتى جەرى جوق ادامداردى انىقتاۋعا، سونداي- اق ادامنىڭ ەڭبەگىن زاڭسىز پايدالانۋ مەن تىركەلمەگەن قارۋدى ساقتاۋ فاكتىلەرىن انىقتاۋعا باعىتتالعان»، - دەدى رەسمي وكىل.

بۇدان بۇرىن حابارلانعانداي، ءبىر اپتا ىشىندە ەل اۋماعىندا 3012 قىلمىس تىركەلدى، ونىڭ 2040-ى تاۋلىك ىشىندە اشىلدى.

اۆتور: رۋسلان عابباسوۆ