بالالارعا قارسى قىلمىستاردىڭ جولىن كەسۋ مينيسترلىكتىك ەرەكشە باقىلاۋىندا - نۇردىلدا وراز
بۇل تۋرالى ق ر ىشكى ىستەر مينيسترلىگىنىڭ رەسمي وكىلى نۇردىلدا وراز ايتتى، دەپ حابارلايدى قازاقپارات ءتىلشىسى.
«ىشكى ىستەر ءمينيسترى ەرلان تۇرعىمبايەۆ ۆەدومستۆونىڭ قۇرىلىمدىق جانە اۋماقتىق بولىمشەلەرىنىڭ باسشىلارىمەن بەينەكونفەرەنسبايلانىس رەجيمىندە جەدەل كەڭەس وتكىزدى، وندا پرەزيدەنت قاسىم-جومارت توقايەۆتىڭ قازاقستان حالقىنا جولداۋىن ساپالى جانە ۋاقتىلى ىسكە اسىرۋ ءۇشىن ءبىرقاتار مىندەتتەردى بەلگىلەدى. جولداۋدا ەلدەگى تۇراقتىلىقتى، ازاماتتاردىڭ تىنىشتىعى مەن قاۋىپسىزدىگىن، ولاردىڭ قۇقىقتارى مەن زاڭدى مۇددەلەرىن قامتاماسىز ەتۋگە ەرەكشە نازار اۋدارىلعان بولاتىن. بالالارعا قارسى جىنىستىق قىلمىستاردىڭ الدىن الۋ جانە جولىن كەسۋ مينيسترلىكتىڭ ەرەكشە باقىلاۋىندا. سوڭعى جىلدارى پەدوفيلدەردىڭ پوليتسيانىڭ باقىلاۋىندا بولۋ شارتتارى ەداۋىر كۇشەيتىلدى: ولار جازاسىن قاۋىپسىزدىگى جوعارى تۇزەۋ مەكەمەلەرىندە وتەپ جاتىر»، - دەدى ن. وراز ونلاين اپتالىق بريفينگىدە.
وسى ورايدا اتالعان قىلمىسكەرلەرگە قاتىستى تاراپتاردى تاتۋلاستىرۋعا، شارتتى تۇردە سوتتاۋعا، جازانى نەعۇرلىم جۇمساق تۇرگە اۋىستىرۋعا، سونداي-اق شارتتى تۇردە مەرزىمىنەن بۇرىن بوساتۋعا تىيىم سالىندى.
«قىزمەتتەر مەن بولىمشەلەردىڭ باسشىلارىنا مينيستر كامەلەتكە تولماعاندار اراسىندا جىنىستىق قىلمىستارعا قارسى قىلمىستارعا قارسى ءىس-قيمىلدىڭ قوسىمشا شارالارىن بەلگىلەدى. اتاپ ايتقاندا، بۇلار - اكىمشىلىك قاداعالاۋدى كۇشەيتۋ جانە جازاسىن وتەگەن پەدوفيلدەرگە قاتىستى ەلەكتروندىق باقىلاۋ قۇرالدارىن قولدانۋ»، - دەدى رەسمي وكىل.
ەسكە سالا كەپتەيىك، بيىلعى جولداۋدا پرەزيدەنت قاسىم-جومارت توقايەۆ بالالارعا، سونىڭ ىشىندە اتا-انا قامقورلىعىنسىز قالعان بالالارعا قارسى جىنىستىق قىلمىستاردىڭ الدىن-الۋ جانە ونىڭ جولىن كەسۋ ەرەكشە باقىلاۋدا بولۋعا ءتيىس ەكەنىن قاداپ ايتتى.
اۆتور: رۋسلان عابباسوۆ
