ءورت ءسوندىرۋ- قۇتقارۋ سپورتىنان قازاقستان قۇراماسى الەم چەمپيونى اتاندى

قاراعاندى. قازاقپارات - قازاقستان قۇراماسى جاۋىنگەرلىك قانات جايۋدا الەم چەمپيونى اتاندى. بۇل تۋرالى قازاقپارات ت ج م باسپا ءسوز قىزمەتىنە سىلتەمە جاساپ حابارلايدى.

قاراعاندى قالاسىندا ءورت ءسوندىرۋ- قۇتقارۋ سپورتى بويىنشا الەم چەمپيوناتى اياسىندا جارىستىڭ سوڭعى كەزەڭى ءوتتى. 9 ەرلەر جانە 5 ايەلدەر كومانداسى جاۋىنگەرلىك قانات جايۋداعى بىرىنشىلىك ءۇشىن كۇرەستى. ءورت ءسوندىرۋ- قۇتقارۋ سپورتىنىڭ بۇل كوماندالىق ءتۇرى ورتكە كەلگەن كەزدە ءورت سوندىرۋشىلەردىڭ ءىس- ارەكەتتەرىن يميتاتسيالايدى.

بۇل كەزەڭنىن ءمانى - ماگيسترالدىق جەڭ جەلىسىن تەز جانە دۇرىس توسەۋ جانە نىساندى سۋ اعىنىمەن «زاقىمداۋ» . نىسانا ورتاسىنداعى تەسىك ارقىلى سىيىمدىلىقتى ون ليتر سۋ تولتىرعاننان كەيىن زاقىمدانعان بولىپ سانالادى.

ەرلەر كوماندالارى اراسىنداعى جارىس 25,55 سەكۋند ناتيجەسىمەن قازاقستان رەسپۋبليكاسىنىڭ قۇراما كومانداسىنىڭ جەڭىسىمەن اياقتالدى. 2-ورىندى 26,85 سەكۋند ناتيجەسىمەن چەح رەسپۋبليكاسىنىڭ كومانداسى يەلەندى.

3-ورىندا 27,14 سەكۋند ناتيجەسىمەن اۆستريا رەسپۋبليكاسىنىڭ قۇراماسى. تارتىستى كۇرەس قورىتىندىسى بويىنشا ايەلدەر كوماندالارى اراسىندا 1 ورىندى 26,35 سەكۋند ناتيجەسىمەن چەح رەسپۋبليكاسىنىڭ كومانداسى يەلەندى.

2- ورىندا 26,67 سەكۋند ناتيجەسىمەن بەلارۋس كومانداسى. ءۇشىنشى ورىندى 27,04 سەكۋند ناتيجەسىمەن قازاقستان رەسپۋبليكاسىنىڭ كومانداسى يەلەندى.