پاراليمپيادا ويىندارىندا قازاقستاندىق سپورتشىلاردىڭ ناتيجەسى قانداي
پارا تاەكۆوندوشى نىشان ءومىرالى ەل قۇراماسىنان سوڭعى سايىسقا قاتىسقان سپورتشىنىڭ ءبىرى بولدى. ول 75 كەلىدە العاشقى جەكپە-جەگىندە كوستا- ريكالىق اندرەس ەستەبان مولينادان 6:12 ەسەبىمەن جەڭىلىپ قالعان ەدى. دەگەنمەن اتالعان قارسىلاسىنىڭ فينالعا شىعۋىنا بايلانىستى نىشان جۇبانىش جەكپە-جەگىنىڭ شيرەك فينالىنا شىقتى. وندا ماروككولىق راشيد الاۋيدى 24:8 ەسەبىمەن جەڭىپ، قولا جۇلدەگە تالاسۋعا قول جەتكىزدى. قولا جۇلدە ءۇشىن سايىستا قازاقستاندىق سپورتشى مەكسيكالىق فرانيسكو پەدروسقا 15:18 ەسەبىمەن ەسە جىبەردى.
وسىلايشا، قازاقستاندىق پارا- سپورتشىلار ويىنداردى بەس مەدالمەن اياقتادى: پاۋەرليفتينگتەن ءبىر التىن (داۆيد دەگتياريەۆ)، پارادزيۋدودان ءۇش كۇمىس (ءانۋار ساريەۆ، تەمىرجان داۋلەت جانە زارينا بايباتينا) جانە جۇزۋدەن قولا (نۇرداۋلەت جۇماعالي)...
جالپى كوماندالىق ەسەپتە قازاقستاندىق سپورتشىلار 51-ورىنعا تابان تىرەدى.
اۆتور: ءادىلجان ۇمبەت
