جاننا پراليەۆا ەلورداداعى كوروناۆيرۋسقا قاتىستى جاعدايدى ايتتى

نۇر- سۇلتان. قازاقپارات - نۇر-سۇلتان قالاسىنىڭ باس مەملەكەتتىك سانيتار دارىگەرىنىڭ ورىنباسارى جاننا پراليەۆا ەلورداداعى كوروناۆيرۋسقا قاتىستى جاعدايدى ايتتى، دەپ حابارلايدى قازاقپارات ءتىلشىسى.

«قالادا COVID-19 ىندەتىن جۇقتىرۋ بويىنشا جاعدايلاردى تىركەۋ قارقىنى تومەندەپ كەلەدى. 10 كۇن بويى كۇنىنە جۇقتىرعاندار سانى 650 دەن اسپايدى، ال سوڭعى اپتادا ورتاشا تاۋلىكتىك تىركەۋ 470 تى قۇرادى. ناتيجەسىندە، تامىز ايىندا اۋرۋ دەڭگەيى شىلدەمەن سالىستىرعاندا 21 پايىزعا تومەندەدى. اپتاسىنا سىرقاتتانۋشىلىقتىڭ تومەندەۋ قارقىنى 25 تەن 31 پايىزعا دەيىن ساقتالادى. ال سوڭعى اپتادا سىرقاتتانۋشىلىق كورسەتكىشى 100 مىڭ تۇرعىنعا شاققاندا وتكەن اپتامەن سالىستىرعاندا 31 پايىزعا تومەن بولدى»، - دەدى ج. پراليەۆا ونلاين بريفينگىدە.

ونىڭ ايتۋىنشا، ءبىر اپتا ىشىندە COVID-19 ىندەتىن جۇقتىرعاندار 3355 ادامدى قۇراپ (وتكەن اپتادا - 4920 ادام)، 100 مىڭ تۇرعىنعا شاققانداعى قارقىندى كورسەتكىش 258,2 نى كورسەتتى. «اۋرۋ دەڭگەيىنىڭ تومەندەۋ ۇردىسىنە قاراماستان، قالا ەپيدەميولوگيالىق جاعدايدى باعالاۋ كورسەتكىشتەرى بويىنشا «قىزىل ايماقتا» تۇر. سىرقاتتانۋشىلىقتىڭ جالپى قۇرىلىمىندا كلينيكالىق بەلگىلەرى بار ناۋقاستاردىڭ جوعارى ۇلەس سالماعى (%78-79) ساقتالىپ وتىر»، - دەدى جاننا پراليەۆا.