پاراليمپيادا: قازاقستان قۇراماسىنىڭ تۋىن الىپ شىققان نۇرلان دومبايەۆ جارتىلاي فينالعا شىقتى

توكيو. قازاقپارات - قازاقستاندىق پاراتاەكۆوندوشى نۇرلان دومبايەۆ توكيوداعى پاراليمپيادا ويىندارىندا 75 كەلىگە دەيىنگى سالماق دارەجەسىندە شيرەك فينالدا نۇرلان ارگەنتينالىق حۋان سامورانومەن كەزدەسىپ، 27:25 (15:11، 6: 5، 4: 9، 2: 0) ەسەبىمەن جەڭىسكە جەتتى.

وسىلايشا، ول نەگىزگى تورداعى كەزدەسۋدى جالعاستىرادى، ال سامورانو جۇبانىش جەكپە - جەكتەرىنە قاتىسادى.

ايتا كەتەيىك، اتالعان ويىنداردا دومبايەۆ ەلىمىزدىڭ پاراليمپيادالىق قۇراماسىنىڭ تۋىن كوتەرىپ شىققان بولاتىن.

بۇگىن تاعى ءبىر قازاقستاندىق تاەكۆوندوشى كاميليا دوسمالوۆا ءبىرىنشى جەكپە-جەكتە سەربيالىق قارسىلاسىنان جەڭىلىپ قالدى، الايدا جۇبانىش راۋندىنىڭ شيرەك فينالىنا جولداما الدى.