داۋرەن ابايەۆ: جيرينوۆسكيدىڭ ارەكەتى ساياسات ەمەس، شوۋ عانا
«اشىق ديالوگ 2» سۇحباتىنىڭ كەزەكتى سانىندا ق ر پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆ وسىنداي وي ايتتى، دەپ حابارلايدى قازاقپارات ءتىلشىسى.
«بىلەسىز بە، بىزگە جيرينوۆسكيدىڭ قازاقستان تۋرالى مالىمدەمەلەرىنە باياعىدان ءمان بەرىپ قاراماۋ كەرەك دەپ ويلايمىن. بۇل جەردە ەشقانداي ساياسات جوق، باستان- اياق شوۋ عانا»، - دەگەن داۋرەن ابايەۆ.
بۇل مالىمدەمەلەردىڭ ار جاعىندا سايلاۋشىلار الدىندا ۇپاي جيناپ قالۋى تالپىنىسى جاتقانىن ايتتى.
«ونى (جيرينۆوسكيدى - رەد.) قولعا قارىنداش الىپ وتىرىپ تىڭداۋدىڭ قاجەتى جوق. «پوپكورن» الىپ وتىرىپ تاماشالاۋ كەرەك. ءتىل ماسەلەسىندەگى، مەملەكەتتىك ساياسات، ەتنوسارالىق قاتىناستار تۋرالى ايتساق، پرەزيدەنت كەشە بۇل ساۋالداردىڭ بارىنە نۇكتە قويىپ، تاقىرىپتى جاپتى»، - دەدى پرەزيدەنت اكىمشىلىگى باسشىسىنىڭ ءبىرىنشى ورىنباسارى.
