15:44, 02 - قىركۇيەك 2021 | GMT +5
جەمقورلىققا قارسى ۇلكەن باعدارلاما قابىلدانادى - رىسقالي ابدىكەروۆ
الماتى. قازاقپارات – ق ر پارلامەنتى سەناتىنىڭ دەپۋتاتى رىسقالي ابدىكەروۆ پرەزيدەنت جولداۋىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
«ءوزىم قۇقىق قورعاۋ ورگاندارى كوميتەتىنەن بولعاننان سوڭ، پرەزيدەنتتىڭ جەمقورلىقا قارسى كۇرەس تۋرالى ايتقان ءسوزىن تولىق قۇپتايمىن»، - دەيدى سەناتور.
ونىڭ ايتۋىنشا، جىلدىڭ سوڭىنا دەيىن جەمقورلىققا قارسى ۇلكەن باعدارلاما قابىلداناتىن بولادى. ال مۇنىڭ الدىندا بۇل ماسەلە الدىمەن تالقىلاۋدان وتپەك.
«سوندىقتان دا بۇگىنگى تاڭدا، جولداۋدا ايتىلعان ءىس- شارالاردى جۇزەگە اسىرۋ جانە قاجەتتى زاڭدارعا تەز ارادا وزگەرىس ەنگىزۋدى دەپۋتات كورپۋسىنىڭ باستى ماقساتى دەپ سانايمىن»، - دەدى ر. ابدىكەروۆ.
اۆتور: ءالي يبرايەۆ
