كوروناۆيرۋس قانداي اۋرۋلاردىڭ اسقىنۋىنا اكەلەدى
بۇل تۋرالى ونلاين بريفينگ بارىسىندا ورتالىق ديرەكتورى المات قوداسبايەۆ ايتتى، دەپ حابارلايدى قازاقپارات ءتىلشىسى.
المات قوداسبايەۆتىڭ ايتۋىنشا، الماتى قالاسىنىڭ كارديولوگيالىق ورتالىعىندا 260 توسەك- ورىن قايتا جاساقتالدى، مەكەمە ەكى ايدان بەرى ينفەكسيالىق ستاتسيونار رەتىندە جۇمىس ىستەپ جاتىر. وندا جۇرەك- قان تامىرلارى اۋرۋلارى مەن كوروناۆيرۋسقا شالدىققان ناۋقاستار ەمدەلەدى.
«بيىل الماتى كارديولوگيالىق ورتالىعى ەكىنشى رەت ءبىرىنشى ەشەلوندى اۋرۋحاناعا قايتا پروفيلدەندى. ينفەكسيالىق ستاتسيونارلارعا دەيىن مەكەمە وسى جىلدىڭ ناۋرىز جانە ءساۋىر ايلارىندا جۇمىس جاسادى. بۇل جۇمىس 24 شىلدەدە ەكىنشى رەت قايتا فورماتتالدى. 500 گە جۋىق دارىگەر مەن مەدبيكە تاۋلىك بويى كومەك كورسەتەدى»، - دەيدى ول.
جۇرەك ورتالىعى ديرەكتورىنىڭ سوزىنشە، جۇرەك ءتىنى كوروناۆيرۋس اۋرۋى كەزىندە سەزىمتال بولادى.
«اۋرۋعا ەڭ سەزىمتال - جۇرەك- قان تامىرلارى اۋرۋلارى، قانت ديابەتى نەمەسە سەمىزدىكپەن اۋىراتىن ادامدار. ولاردىڭ اۋرۋى وتە قيىن، مۇنداي ناۋقاستار ۇزاق ەمدەلۋدى قاجەت ەتەدى. بيىل ءبىزدىڭ كارديولوگيالىق ورتالىقتا 1950 ادام ەمدەلىپ شىقتى. بۇگىنگى تاڭدا توسەك سىيىمدىلىعى % 80 دى قۇرايدى. ناۋقاستاردى ەمدەۋدە ءبىز قازىرگى زامانعى جابدىقتى قولدانامىز، كورونارلىق انگيوگرافيانى جۇرگىزەمىز، ەكستراكورپورالدى مەمبرانالىق وكسيگەناتسيا (ە ك م و) اپپاراتىن قولدانامىز. بارلىق دارىگەرلەر نۇر- سۇلتان قالاسىنىڭ كارديوحيرۋرگيالىق ورتالىعىندا وقىپ كەلدى»، - دەدى المات قوداسبايەۆ.
كارديولوگيالىق ورتالىقتا كورونارلىق انگيوگرافيانىڭ كومەگىمەن جۇرەك تامىرلارى زەرتتەلەدى.
«ە ك م و اپپاراتى گاز الماسۋ فۋنكسياسىن ورىندايدى. ءبىز بۇل قۇرىلعىنى التى ناۋقاستى قۇتقارۋ ءۇشىن قولداندىق. قازىرگى ۋاقىتتا قۇرىلعىعا ەكى ادام قوسىلعان. ءبىر ناۋقاس №2-پەرزەنتحانانىڭ جانساقتاۋ بولىمىندە جاتىر، ءبىزدىڭ دارىگەرلەر ونىڭ جاعدايىن سول جەردە باقىلايدى»، - دەدى سپيكەر.
سونىمەن قاتار، كارديولوگيالىق ورتالىقتىڭ دارىگەرلەرى باسقا ينفەكسيالىق اۋرۋحانالاردا اۋىر ناۋقاستارعا كەڭەس بەرەدى. قازىردىڭ وزىندە 10 مىڭنان استام ونلاين كەڭەس بەرىلدى.
«بۇل اۋرۋ جۇرەگىندە سىرقاتى بار جانداردى قايعىلى جاعدايلارعا اكەلۋى مۇمكىن. اۋىر زارداپتاردىڭ الدىن الۋدىڭ جالعىز جولى - كوروناۆيرۋسقا قارسى ۆاكسينالانۋ. ۆاكسينا كوروناۆيرۋس تۋدىراتىن قان ۇيىعىشتاردىڭ الدىن الادى. Covid-19 جۇرەك- قان تامىر اۋرۋلارىنىڭ اسقىنۋىنا اكەلەتىنى شىندىق. جۇرەكتىڭ يشەميالىق، ترومبوەمبوليالىق دەرتتى اسقىندىرىپ، جۇرەكتى السىزدەندىرەدى. ناۋقاستاردىڭ بۇل توبى ءوز ءومىرىن قۇتقارۋ ءۇشىن مىندەتتى تۇردە ۆاكسينا تۋرالى ويلانۋى كەرەك»، - دەدى المات قوداسبايەۆ.
اۆتور: الما مۇقانوۆا
