وڭتۇستىكتەن سولتۇستىككە قونىس اۋدارعاندارعا جاردەماقى ءبولۋدىڭ تەتىگى قايتا قارالادى

نۇر-سۇلتان. قازاقپارات - كوشى- قون ساياساتىنىڭ جاڭا تۇجىرىمداماسى ازىرلەنەدى. بۇل تۋرالى ۇكىمەت وتىرىسىندا ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ايتتى، دەپ حابارلايدى قازاقپارات ءتىلشىسى.

«ەل ەكونوميكاسىن بىلىكتى كادرلارمەن قامتاماسىز ەتۋ ماقساتىندا مينيسترلىك زاڭ جوباسىن ازىرلەيدى جانە ول بىلىكتىلىك پەن داعدىلاردى تانۋعا، بىلىكتىلىكتىڭ سايكەستىگىن باعالاۋدى ۇيلەستىرۋگە ءتيىس. سونداي-اق بىلىكتىلىك جونىندەگى ۇلتتىق ورگان قۇرۋعا باعىتتالادى. جاڭا زاڭ بىلىكتىلىكتى تانۋ جۇيەسىنىڭ ءبىرىڭعاي تالاپتارىن بىرىزدەندىرۋدى جانە بەلگىلەۋدى، سونداي- اق ماماندىقتارعا قول جەتكىزۋدى رەتتەۋ تاسىلدەرىن بەكىتۋدى قامتاماسىز ەتەدى»، - دەدى مينيستر.

وسى رەتتە ول پرەزيدەنت كوشى-قون پروتسەستەرىنىڭ ەڭبەك نارىعىنا كوپ اسەر ەتەتىندىگىن اتاپ وتكەندىگىن ايتتى.

«وسىعان وراي كوشى-قون ساياساتىنىڭ جاڭا تۇجىرىمداماسىن ازىرلەۋ تاپسىرىلدى. 5 جىلعا ارنالعان تۇجىرىمداما ازىرلەنەتىن بولادى. وندا وڭتۇستىكتەن سولتۇستىككە ءوڭىرارالىق ىشكى ۇتقىرلىقتى ارتتىرۋعا قولايلى جاعدايلاردى قامتاماسىز ەتۋ؛ شەتەلدە جۇمىس ىستەيتىن قازاقستاندىق ازاماتتاردىڭ ەڭبەك جانە الەۋمەتتىك قۇقىقتارىن قورعاۋ تەتىگىن قۇرۋ؛ سونداي- اق قانداستاردىڭ تۇراقتى تۇرۋعا قازاقستانعا قونىس اۋدارۋعا جاعداي جاساۋ؛ شەتەلدىك مامانداردى تارتۋ بويىنشا رەتتەلەتىن جانە يكەمدى جۇيەنى قامتاماسىز ەتۋ قاراستىرىلاتىن بولادى»، - دەدى سەرىك شاپكەنوۆ.

ونىڭ اتاپ وتۋىنشە، جاڭا تۇجىرىمداما اياسىندا وڭتۇستىكتەن سولتۇستىككە قونىس اۋدارعان ازاماتتارعا جاردەماقى ءبولۋدىڭ قولدانىستاعى تەتىگى قايتا قارالادى. وڭتۇستىك وڭىرلەردەن جۇمىسكەرلەردى ءوز بەتىنشە جالدايتىن جانە جۇمىسقا ورنالاستىراتىن جۇمىس بەرۋشىلەر ءۇشىن مەملەكەتتىك قولداۋ الۋ تەتىگى وڭايلاتىلىپ، كەڭەيتىلەدى.

«بۇل ولاردى قونىس اۋدارۋ باعدارلامالارىنا بەلسەندى قاتىسۋعا ىنتالاندىرادى»، - دەدى ول.