قارجى ءمينيسترى شاعىن بيزنەستى تەكسەرۋگە موراتوريدى الىپ تاستاۋدى ۇسىندى

نۇر- سۇلتان. قازاقپارات - ميكرو جانە شاعىن بيزنەس سۋبەكتىلەرىن تەكسەرۋگە ءموراتوريدى الىپ تاستاۋ كەرەك. بۇل تۋرالى ۇكىمەت وتىرىسىندا ق ر قارجى ءمينيسترى ەرۇلان جاماۋبايەۆ ايتتى، دەپ حابارلايدى قازاقپارات ءتىلشىسى.

«بىلتىر ەنگىزىلگەن تەكسەرۋلەرگە ءۇش جىلدىق موراتوري كاسسالىق ءتارتىپتى تومەندەتتى. جوسىقسىز كاسىپكەرلەر بۇل باستامانى سالىقتان جازاسىز جالتارۋ مۇمكىندىگى رەتىندە قابىلداۋدا. وسىعان بايلانىستى ميكرو جانە شاعىن بيزنەس سۋبەكتىلەرىن تەكسەرۋگە موراتوريدى الىپ تاستاۋ ماسەلەسىن قاراستىرۋدى ۇسىنامىز»، - دەدى ەرۇلان جاماۋبايەۆ.

جالپى، قارجى مينيسترلىگىنىڭ اتاپ وتۋىنشە، ۇسىنىلىپ وتىرعان ءىس- شارا مەملەكەتتىك بيۋدجەت كىرىستەرىنىڭ ۇلعايۋىنا مۇمكىندىك بەرەدى.