ورتا سالماق چەمپيونى گولوۆكيننىڭ تيتۋلدىق جەكپە-جەگىن الىپ قويماق

نۇر-سۇلتان. قازاقپارات - 38 جاستاعى كۋبالىق بوكسشى ەريسلاندي لارا (28-3-3، 16 ك و) ەكى سالماقتاعى WBA تيتۋلىنىڭ بىرىنەن باس تارتتى، دەپ حابارلايدى vRINGe.com.

بۇكىل الەمدىك بوكس ۇيىمى لاراعا قاي سالماقتا جۇدىرىقتاساتىنى تۋرالى ءبىر شەشىمگە كەلۋگە مىندەتتەدى - ءبىرىنشى ورتا (69,9 كەلىگە دەيىن) نەمەسە ورتا ديۆيزيوندا (72,6 كەلىگە دەيىن). ەريسلاندي ەكى سالماقتا دا WBA Regular تيتۋلىنا يە.

Boxingscene.com مالىمەتىنشە، بوكسشىنىڭ كومانداسى WBA ۇيىمىنا ورتا سالماقتا قالاتىندارىن حابارلاپتى. سونىمەن قوسا، ولار ۇيىمنان ەريسلانديعا WBA Super چەمپيونى جاپونيالىق ريوتا مۋراتامەن (16-2، 13 ك و) جەدەل ارادا جەكپە-جەك ۇيىمداستىرىپ بەرۋىن سۇراعان.

ال مۋراتا جەلتوقساندا IBF چەمپيونى قازاقستاندىق گەننادي گولوۆكينمەن (41-1-1، 36 ك و) جەكپە-جەك وتكىزەدى دەپ جوسپارلانعان.