پرەزيدەنت ازىق- تۇلىكتىڭ باعاسىنا قاتىستى: ماسەلەنى جونگە كەلتىرۋ كەرەك

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ ەلىمىزدەگى ازىق- تۇلىكتىڭ باعاسىنىڭ نەگىزسىز ءوسۋىن سىنعا الدى، دەپ حابارلايدى قازاقپارات ءتىلشىسى.

«قازاقستاننىڭ اگرارلىق الەۋەتى تۋرالى كوپ ايتىلادى. دەگەنمەن ا ءو ك سالاسىندا ماسەلە از ەمەس. الدىمەن ول ءجونسىز باعانىڭ ءوسۋى مەن تاۋار ونەركاسىبى جۇمىسىن دۇرىس ۇلەستىرۋ. مەن بۇعان دەيىن ەلىمىزدە كوتەرمە ۇيلەستىرۋ جەلىسىن قۇرۋدىڭ ماڭىزدىلىعى تۋرالى ايتقان بولاتىنمىن. بۇل مىندەت جۇزەگە اسۋ دەڭگەيىندە تۇر. ۇساق اۋىل شارۋاشىلىق تاۋار ءوندىرۋدى سول جەلىمەن قامتاماسىز ەتۋ كەرەك. سول ارقىلى اۋىل شارۋاشىلىعى تاۋار وندىرۋشىلەردىڭ ءوز شارۋاشىلىعى بولادى. بۇل سالادا مونوپولياعا جول جوق»، - دەدى ق. توقايەۆ.

سونداي- اق، مەملەكەت باسشىسى تاۋار وندىرۋشىلەر باعا تۇراقتىلىعىن ساقتاۋ ءۇشىن ولارعا ارنالعان ءبىرىڭعاي باقىلاۋدىڭ كەرەكتىگىن ايتتى.

«جاۋاپكەرشىلىكتى زوناسىن شەكتەپ، ءبىر عانا نەگىزگى ورگاندى بەلگىلەپ، ول ناقتى رەگلامەنتپەن بەكىتىلۋى ءتيىس. قازىر بۇل سۇراققا بىرنەشە ورگان جاۋاپتى. باعا وسكەن ساتتە ولار تالداۋ جاساپ، ءتيىستى شارالاردى قابىلداۋدىڭ ورنىنا ءبىر- بىرىنە سىلتەپ وتىرادى. باعانى رەتتەۋ ماسەلەسىن جونگە كەلتىرۋ كەرەك. بۇل رەتتە ۇكىمەت 1 ايدىڭ ىشىندە شەشىم قابىلداۋى ءتيىس»، - دەدى پرەزيدەنت.

اۆتور: ءالي يبرايەۆ