قازاقستاندىق ۆاكسيناعا وزگە مەملەكەتتەر دە سۇرانىس بىلدىرۋدە - پرەزيدەنت

نۇر-سۇلتان. قازاقپارات - «قازۆاكقا وزگە مەملەكەتتەر دە سۇرانىس بىلدىرۋدە. بۇل تۋرالى مەملەكەت باسشىسى قاسىم-جومارت توقايەۆ قازاقستان حالقىنا جولداۋى بارىسىندا ايتتى، دەپ حابارلايدى قازاقپارات ءتىلشىسى.

«كوروناۆيرۋس دەنساۋلىق ساقتاۋ سالاسى ءۇشىن ۇلكەن سىناق بولدى. الەمدى جايلاعان ىندەتتىڭ بەتى ءالى قايتار ەمەس. كۇن سايىن مىڭداعان ازاماتىمىز دەرتكە شالدىعىپ، تالاي ادام ومىردەن وتۋدە. ءبىز ۋاقىتتى ۇتتىرماي ىندەتپەن كۇرەسۋ ءىس-شارالارىن دەرەۋ قولعا الدىق. قازاقستان - كوروناۆيرۋسقا قارسى ۆاكسينا جاساپ شىعارعان الەمدەگى ساناۋلى مەملەكەتتىڭ ءبىرى. ءبىزدىڭ ۆاكسينامىزدىڭ ءتيىمدى ءارى قاۋىپسىز ەكەندىگىنە ەش كۇمان جوق، قازىر قازۆاكقا وزگە مەملەكەتتەر دە سۇرانىس بىلدىرۋدە»، - دەدى قازاقستان پرەزيدەنتى.

اۆتور: مارلان جيەمباي