اسحات ايماعامبەتوۆ قوسشىلىق بالالارعا «الىپپە» تابىستادى

نۇر- سۇلتان. قازاقپارات – ق ر ءبىلىم جانە عىلىم ءمينيسترى اسحات ايماعامبەتوۆ العاشقى قوڭىراۋ سالتاناتتى شاراعا قاتىستى، دەپ حابارايدى قازاقپارات ءتىلشىسى.

بيىل ءمينيستردىڭ قاتىسۋىمەن ءبىلىم كۇنىمەن قۇتتىقتاۋ شاراسى اقمولا وبلىسى قوسشى قالاسىنداعى №2 ورتا مەكتەپ وقۋشىلارىنا بۇيىردى. اتالعان مەكتەپتە 4886 وقۋشى بار. ونىڭ ىشىندە 635 ءبۇلدىرشىن مەكتەپ تابالدىرىعىن العاش اتتاپ وتىر.

«قۇرمەتتى ۇستازدار، وقۋشىلار جانە اتا- انالار. ءبىلىم كۇنىمەن قۇتتىقتايمىن. پاندەمياعا بايلانىستى 1,5 جىلداي قاشىقتان وقۋعا تۋرا كەلدى. بيىلعى وقۋ جىلىن ءداستۇرلى تۇردە وقۋدىڭ ءساتى ءتۇستى. جالپى ەل بويىنشا 7500 مەكتەپتە 3 ميلليون 600 بالا جاڭا وقۋ جىلىن باستاپ وتىر. 1 -قىركۇيەك، اسىرەسە مەكتەپ تابىلدىرىعىن العاش اتتاپ وتىرعان بۇلدىرشىندەر ءۇشىن ەرەكشە. قاشىقتان وقۋ ءبىلىم الۋ پروتسەسىنىڭ ماڭىزى مەن ونداعى ءمۇعالىمنىڭ ءرولىن ايقىن كوسەتىپ بەردى. ءبىزدىڭ ۇستازدار پاندەمياعا قاراماستان ونلاين فورماتقا تەز بەيىمدەلىپ بالالارىمىزعا ءبىلىم بەردى. بيىلعى وقۋ جىلىنىڭ تاعى ءبىر ەرەكشەلىگى، 1-سىنىپقا الىپپەنى قايتارىپ وتىرمىز. الىپپەنىڭ نەگىزى ۇلت ۇستازى احمەت بايتۇرسىن ۇلىنىڭ ادىستەمەسىنە ساي قالانعان. بۇل بۇرىننان بار دۇنيە ءبىز ونى جاڭعىرتىپ وتىرمىز. وسىلايشا ەلىمىزدەگى بارلىق بۇلدىرشىندەر العاش رەت الىپپەنى قولدارىنا ۇستاپ وتىر. جاڭا وقۋ جىلى تابىستى بولسىن»، - دەدى ا. ايماعامبەتوۆ سالتاناتتى شارادا.

سونداي- اق، ەلىمىزدىڭ باس ۇستازى 1-سىنىپ وقۋشىلارىنا «الىپپە» وقۋلىعىن تابىس ەتتى. ايتا كەتسەك، بيىل العاشقى قوڭىراۋ شاراسى ەل كولەمىندە ەپيداحۋالعا بايلانىستى تەك 1 -سىنىپ وقۋشىلارىنىڭ قاتىسۋىمەن ءوتىپ جاتىر.