قازاقستاندىق بوكسشى جاستار اراسىنداعى ازيا چەمپيوناتىندا تەحنيكاسى ەڭ مىقتى سپورتشى اتاندى

نۇر-سۇلتان. قازاقپارات - قازاقستاندىق بوكسشى ەلنۇر ءسۇيىنباي دۋبايدا (ب ا ءا) وتكەن جاستار اراسىنداعى ازيا چەمپيوناتىندا تەحنيكاسى ەڭ مىقتى سپورتشى اتاندى، دەپ حابارلايدى قازاقپارات Sports.kz-كە سىلتەمە جاساپ.

63,5 كەلىگە دەيىنگى سالماق دارەجەسىندە ونەر كورسەتەتىن ءسۇيىنباي اقتىق ايقاستا ءۇندىستاندىق ۆانشادجبەن كەزدەسىپ، تورەشىلەردىڭ ءبىراۋىزدان شەشىمىمەن جەڭىمپاز اتاندى.

قازاقستاننىڭ ەرلەر اراسىنداعى جاستار قۇراماسى (2003-2004ج.ج.) بىرىنشىلىكتە 12 مەدال جەڭىپ الدى: سەگىز التىن، ەكى كۇمىس جانە ەكى قولا.

مەدال سانى بويىنشا ەكىنشى ورىندا وزبەكستان - ولاردا جەتى مەدال بار (ءۇش التىن، ءۇش كۇمىس جانە ءبىر قولا). ءۇشىنشى ورىندا ءۇندىستان توعىز مەدالمەن (ەكى التىن، ءۇش كۇمىس جانە ءتورت قولا) تۇر.