19:24, 31 - تامىز 2021 | GMT +5
پرەزيدەنت جولداۋى تەلەارنالاردان تىكەلەي ەفيردە كورسەتىلەدى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ قازاقستان حالقىنا ارناعان جولداۋىن ەرتەڭ ساعات 11:00 دە تىكەلەي ەفيردە جاريالايدى.
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي فەيسبۋكتەگى پاراقشاسىندا جازدى.
«ەرتەڭ، 1 - قىركۇيەكتە، ساعات 11:00 دە ق ر پارلامەنتى پالاتالارىنىڭ بىرلەسكەن وتىرىسىندا مەملەكەت باسشىسى قاسىم-جومارت توقايەۆ قازاقستان حالقىنا ارناعان جولداۋىن جاريالايدى. جولداۋ ەلىمىزدىڭ الداعى الەۋمەتتىك-ەكونوميكالىق دامۋ باعىتتارىن ايقىندايدى. ءىس-شارا بارلىق رەسپۋبليكالىق تەلەارنالاردان تىكەلەي ەفيردە كورسەتىلەتىن بولادى» دەلىنگەن جازبادا.
