پرەزيدەنت نۇرلان ەرمەكبايەۆتىڭ وتستاۆكاعا كەتۋ تۋرالى ءوتىنىشىن قابىلدادى

نۇر-سۇلتان. قازاقپارات -مەملەكەت باسشىسى قاسىم-جومارت توقايەۆ قورعانىس ءمينيسترى نۇرلان ەرمەكبايەۆتىڭ قىزمەتتەن بوساتۋ جونىندەگى راپورتىن قاراستىرىپ، ونىڭ ءوتىنىشىن قابىلدادى.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدە جازدى.

ەسكە سالساق، بۇعان دەيىن ق ر قورعانىس ءمينيسترى نۇرلان ەرمەكبايەۆ وتستاۆكاعا ءوتىنىش بەرۋگە دايىن ەكەندىگى تۋرالى ايتقان بولاتىن.

«قازىرگى ۋاقىتتا باستى ماقساتىم - اپاتتىڭ سالدارىن تەز ارادا جويۋ. ال سىزدەردى وتستاۆكا ماسەلەسى قىزىقتىراتىن بولسا، وندا مەن وسى حاباردى ەستىگەننەن كەيىن ءبىرىنشى مينۋتتا ءوزىم ءۇشىن شەشىم قابىلدادىم. مەن وتستاۆكاعا ءوتىنىش بەرەمىن، وتساۆكاعا جىبەرۋىن سۇرايمىن. ال قالعانىن جوعارعى باسشىلىق شەشەدى»، - دەدى نۇرلان ەرمەكبايەۆ.

26-تامىزدا ساعات شامامەن 19:00-دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جويقىن جارىلىس بولدى. سوڭعى مالىمەت بويىنشا، جامبىل وبلىسىنداعى جارىلىستان 14 قازا تاپقان.