ۇكىمەتتىك كوميسسيا بايزاق اۋدانىنداعى وقيعا ورنىنا باردى
ق ر پرەمەر-ءمينيسترىنىڭ ورىنباسارى رومان سكليار باستاعان، قۇرامىندا جامبىل وبلىسىنىڭ اكىمى بەردىبەك ساپاربايەۆ، قورعانىس ءمينيسترى نۇرلان ەرمەكبايەۆ، توتەنشە جاعدايلار ءمينيسترى يۋري يلين، ىشكى ىستەر ءمينيسترىنىڭ ورىنباسارى مۇرات بايمۇقاشيەۆ، يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنبايەۆ، ەڭبەك جانە حالىقتى الەۋمەتتىك قورعاۋ، دەنساۋلىق ساقتاۋ جانە باسقا دا ورتالىق مەملەكەتتىك ورگانداردىڭ ۆيتسە-مينيسترلەرى بار كوميسسيا زارداپ شەككەن نىساندارىمەن تانىسىپ، ءمان-جايعا قانىقتى.
سونىمەن قاتار دەلەگاتسيا ءورت سالدارىن جويۋ جونىندەگى جۇمىستاردىڭ بارىسىمەن تانىسىپ، جارالانعان اسكەريلەرمەن جانە ءورت سوندىرۋشىلەرمەن، جەرگىلىكتى تۇرعىندارمەن كەزدەستى.
ۆيتسە-پرەمەر جەدەل شتاب وتىرىسىنا قاتىسىپ، جاۋاپتى تۇلعالارعا ناقتى تاپسىرمالار جۇكتەدى.
ايتا كەتەيىك، اتالعان كوميسسيا الدىنا زالالدى باعالاۋ جانە ءورت پەن جارىلىس سالدارىن جويۋ، زاقىمدالعان ينفراقۇرىلىمدى قالپىنا كەلتىرۋ، سونداي-اق زارداپ شەككەندەرگە الەۋمەتتىك قولداۋ، مەديتسينالىق كومەك شارالارىن كورسەتۋ بويىنشا مىندەتتەر قويىلعان بولاتىن.
قازىرگى ۋاقىتتا كەلتىرىلگەن شىعىن كولەمى انىقتالۋدا، ۇكىمەتتىك ساراپتامالىق توپ جۇمىس جاساۋدا. بارلىق زارداپ شەككەندەرگە كومەك كورسەتىلەدى. ءبىرىنشى كەزەكتە تۇرعىن ۇيلەر، كاسىپكەرلىك جانە ينفراقۇرىلىمدىق نىساندار قالپىنا كەلتىرىلەدى. وقيعانىڭ سەبەبىن جەدەل تەرگەۋ توبى انىقتايتىن بولادى.
