الماتى وبلىسىندا بارلىق مەكتەپتەر ءداستۇرلى فورماتتا جۇمىس ىستەيدى
«2021-2022 وقۋ جىلىندا بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ، سونداي- اق مەكتەپكە دەيىنگى ءبىلىم بەرۋ ۇيىمدارىندا قازاقستان رەسپۋبليكاسى باس مەملەكەتتىك سانيتاريالىق دارىگەرىنىڭ 2021 -جىلعى 25 -تامىزداعى №36 قاۋلىسىنىڭ تالاپتارىن ساقتاي وتىرىپ ءداستۇرلى فورماتتا وقۋدى جۇرگىزۋ قامتاماسىز ەتىلسىن»، - دەلىنگەن الماتى وبلىسىنىڭ باس مەملەكەتتىك سانيتاريالىق دارىگەرى ەرعالي سىدىمانوۆتىڭ 27 -تامىز كۇنى شىققان N18 قاۋلىسىندا.
ايتا كەتەيىك، قازاقستان رەسپۋبليكاسى باس مەملەكەتتىك سانيتاريالىق دارىگەرىنىڭ 2021 -جىلعى 26 -تامىزداعى №37 قاۋلىسىنا سايكەس، مەكتەپتەرگە تومەندەگىدەي تالاپتار قاتاڭ ساقتالۋى ءتيىس. - پەداگوگتار مەن پەرسونالدىڭ % 100 ۆاكسيناتسيالانۋى (تۇراقتى مەديتسينالىق قارسى كورسەتىلىمدەرى بار ادامداردى، COVID-19 اۋىرىپ ساۋىققان ادامداردى ساۋىققاننان كەيىن 3 اي ىشىندە قوسپاعاندا)؛
- ۇيىمعا كىرۋ كەزىندە «Ashyq» قوسىمشاسىن ەنگىزۋ (پەداگوگتاردى، پەرسونالدى، اتا- انالاردى (زاڭدى وكىلدەردى)، 18 جانە ودان جوعارى جاستاعى ءبىلىم الاتىن كەلۋشىلەردى QR- كود (check-in) بويىنشا تىركەۋ)؛
- ماسكا رەجيمىن ساقتاۋ؛
- رەسيركۋلياتورلاردىڭ، سانيتايزەرلەردىڭ، تەرى انتيسەپتيكتەرىنىڭ، دەزينفەكسيالاۋ جانە جۋۋ قۇرالدارىنىڭ جەتكىلىكتى سانىمەن قامتاماسىز ەتۋ جۇكتەلگەن.
سونىمەن قاتار، سىنىپتا COVID-19 اۋرۋىنىڭ 1 جاعدايى تىركەلگەن كەزدە سول سىنىپ تولىق 14 كۇن بويى ءۇي كارانتينىنە وقشاۋلانادى.
اۆتور: سامال قابىشيەۆا
