15:41, 27 - تامىز 2021 | GMT +5
ەلباسى قورعانىس ءمينيسترى نۇرلان ەرمەكبايەۆپەن تەلەفون ارقىلى سويلەستى
نۇر-سۇلتان. قازاقپارات - ەلباسى قورعانىس ءمينيسترى نۇرلان ەرمەكبايەۆپەن تەلەفون ارقىلى سويلەستى، دەپ حابارلايدى قازاقپارات elbasy.kz-كە سىلتەمە جاساپ.
اڭگىمە بارىسىندا قاۋىپسىزدىك كەڭەسىنىڭ ءتوراعاسىنا جامبىل وبلىسى تۇرعىندارىنىڭ قاۋىپسىزدىگىن قامتاماسىز ەتۋ جانە بايزاق اۋدانىنداعى توتەنشە جاعداي سالدارىن جويۋ ءۇشىن قابىلدانعان شارالار تۋرالى اقپارات بەرىلدى.
قازاقستاننىڭ تۇڭعىش پرەزيدەنتى توتەنشە جاعداي كەزىندە قازا بولعان ادامداردىڭ تۋعان-تۋىستارى مەن جاقىندارىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
