اتا-انالاردىڭ كوپشىلىگى وقۋ پروتسەسىن قانداي فورماتتا ۇيىمداستىرۋدى ءجون كورەدى

نۇر- سۇلتان. قازاقپارات - جاڭا وقۋ جىلى قارساڭىندا ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى مەكتەپ وقۋشىلارىنىڭ اتا-انالارى، قامقورشىلارىمەن تەلەفون ارقىلى ساۋالناما جۇرگىزدى، دەپ حابارلايدى قازاقپارات.

ساۋالناماعا تامىزدىڭ 16 سى مەن 22 سى ارالىعىندا ەلىمىزدىڭ بارلىق ايماقتارىنان (14 وبلىس پەن رەسپۋبليكالىق ماڭىزى بار قالالار نۇر-سۇلتان، الماتى جانە شىمكەنت) 1200 رەسپوندەنت قاتىستى. ساۋالنامانىڭ نەگىزگى ناتيجەلەرى: اتا-انالاردىڭ كوپشىلىگى وقۋ پروتسەسىن ءداستۇرلى فورماتتا ۇيىمداستىرۋدى ءجون كورەدى، وفلاين فورماتقا قايتىپ كوشۋ ءۇشىن اتا-انالار ءبىلىم ورداسىندا سانيتارلىق تالاپتاردى تولىققاندى ساقتاۋعا دايىن. اتا-انالاردىڭ 2/3 بولىگىنەن استامى مەكتەپ عيماراتىنا Ashyq قوسىمشاسى ارقىلى كىرۋ تالابىن قولدايدى.

ەكپەنىڭ ءتۇرىن تاڭداۋدى ۇسىنعان جاعدايدا ساۋالناماعا جاۋاپ بەرگەن اتا- انالاردىڭ %19,6 ءوز بالاسىنا ەكپە سالدىرۋعا دايىن. بالالارعا ەكپە سالۋدان باس تارتۋدىڭ نەگىزگى سەبەپتەرىنىڭ ءبىرى - بالالاردا ءساتتى سىناقتان وتكەن ەكپەنىڭ بولماۋى.