ق ر قورعانىس ءمينيسترى نۇرلان ەرمەكبايەۆ وتستاۆكاعا ءوتىنىش بەرۋگە دايىن
جامبىل وڭىرلىك كوممۋنيكاتسيالار قىزمەتىندەگى باسپا ءسوز ءماسليحاتىنان كەيىن ب ا ق وكىلدەرىنىڭ ساۋالىنا جاۋاپ بەرگەن نۇرلان ەرمەكبايەۆ جارىلىس سالدارىن تولىعىمەن جويعاننان كەيىن وتستاۆكاعا ءوتىنىش بەرەتىندىگىن اشىق ايتتى.
«قازىرگى ۋاقىتتا باستى ماقساتىم - اپاتتىڭ سالدارىن تەز ارادا جويۋ. ال سىزدەردى وتستاۆكا ماسەلەسى قىزىقتىراتىن بولسا، وندا مەن وسى حاباردى ەستىگەننەن كەيىن ءبىرىنشى مينۋتتا ءوزىم ءۇشىن شەشىم قابىلدادىم. مەن وتستاۆكاعا ءوتىنىش بەرەمىن، وتستاۆكاعا جىبەرۋىن سۇرايمىن. ال قالعانىن جوعارعى باسشىلىق شەشەدى»، - دەپ جاۋاپ بەردى نۇرلان ەرمەكبايەۆ.
ق ر قورعانىس مينيسترلىگىنىڭ باسپا ءسوز قىزمەتى قازىرگى ۋاقىتتا ءمينيستردىڭ دە، ۆەدومستۆونىڭ دا الدىندا تۇرعان باستى مىندەت اپات سالدارىن جويۋ ەكەندىگىنە باسا نازار اۋدارتتى.
ەستەرىڭىزگە سالا كەتسەك، كەشە ساعات شامامەن 19:00-دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ورتەنىپ، ارتىنان جويىقىن جارىلىس بولدى. قازىرگى ۋاقىتتا 10 نان استام جارىلىستىڭ بولعانى بەلگىلى. سونىمەن قاتار 4 اسكەري قىزمەتشى قازا تاپقان. 3 اسكەري مەن توتەنشە جاعدايلار دەپارتامەنتىنىڭ بىرنەشە مامانىمەن دە بايلانىس بولماي وتىر.
