00:20, 27 - تامىز 2021 | GMT +5
قاسىم-جومارت توقايەۆ جامبىل وبلىسىنداعى جارىلىس تۋرالى: جاعداي باقىلاۋدا
نۇر-سۇلتان. قازاقپارات - ق ر پرەزيدەنىت قاسىم-جومارت توقايەۆ جامبىل وبلىسىنداعى اسكەري بولىمدەگى جارىلىسقا بايلانىستى ءوزىنىڭ Twitter- دەگى پاراقشاسىندا جازبا قالدىردى.
«ءورت سالدارىن جويۋ جۇمىستارى جالعاسىپ جاتىر. قۇتقارۋشىلار، اسكەري قىزمەتشىلەر، دارىگەرلەر جانە جۇمىلدىرىلعان بارلىق ادامدار بەلسەندى جۇمىس اتقارۋدا. وكىنىشكە قاراي، زارداپ شەككەندەر سانى ارتىپ كەلەدى. ءبىراق، جاعداي باقىلاۋدا. تاراز قالاسى مەن اۋىل تۇرعىندارى سابىرلى ءارى ساق بولۋى كەرەك»، - دەپ جازدى مەملەكەت باسشىسى.
ايتا كەتەيىك، كەشە ساعات شامامەن 19:00 دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جارىلىس بولدى. جارىلىستان زارداپ شەككەندەر سانى 66 ادامعا جەتتى. ولاردىڭ كوبى جەڭىل جاراقات العاندار، تەك 2 ادامنىڭ عانا جاعدايى اۋىر.
