22:51, 26 - تامىز 2021 | GMT +5
كابۋل اۋەجايىنىڭ ماڭىندا جارىلىس بولدى
كابۋل. قازاقپارات - كابۋل اۋەجايىنىڭ عيماراتىندا جارىلىس بولدى، دەپ حابارلايدى قازاقپارات ا ق ش قورعانىس مينيسترلىگىنىڭ رەسمي وكىلىنە سىلتەمە جاساپ.
پەنتاگون باسپا ءسوز حاتشىسى دجون كيربي كابۋل اۋەجايى ماڭىندا جارىلىس بولعانىن راستادى.
قۇربان بولعاندار بار-جوعى ازىرگە بەلگىسىز. سوڭعى كۇندەرى اۋەجاي ماڭىنا اۋعانستاننان ۇشىپ جاتقان ەۆاكۋاتسيالىق رەيستەرگە وتىرۋ ءۇشىن مىڭداعان ادام جينالىپ جاتىر.
26 - تامىزدا ا ق ش، ۇلى بريتانيا مەن اۋستراليا كابۋل اۋەجايىنىڭ شابۋىلعا ۇشىراۋى مۇمكىن ەكەنى تۋرالى ءوز ازاماتتارىنا ەسكەرتكەن.
«ءبىز كابۋل اۋەجايى ماڭىنداعى جارىلىستى راستاي الامىز. قازىرگى ۋاقىتتا قۇربان بولعاندار سانى بەلگىسىز. ءبىز قوسىمشا حابارلايمىز»، - دەدى پەنتاگون وكىلى دجون كيربي تۆيتتەردە.
الدىن الا دەرەك بويىنشا، جارىلىس اببەي قاقپاسىنىڭ الدىندا بولعان.
