20:45, 26 - تامىز 2021 | GMT +5
ەلباسى «سامۇرىق-قازىنا» باسقارماسىنىڭ ءتوراعاسىن قابىلدادى
نۇر-سۇلتان. قازاقپارات - نۇرسۇلتان نازاربايەۆ «سامۇرىق-قازىنا» ۇلتتىق ءال-اۋقات قورى» اكسيونەرلىك قوعامى باسقارماسىنىڭ ءتوراعاسى الماسادام ساتقاليەۆتى قابىلدادى، دەپ حابارلايدى قازاقپارات ەلباسىنىڭ باسپا ءسوز قىزمەتىنە سىلتەمە جاساپ.
كەزدەسۋدە قازاقستاننىڭ تۇڭعىش پرەزيدەنتىنە «سامۇرىق-قازىنا» قورىنىڭ وندىرىستىك جانە قارجىلىق كورسەتكىشتەرى تۋرالى باياندالدى.
ا. ساتقاليەۆتىڭ مالىمەتى بويىنشا بيىلعى 7 ايدا ۋران ساۋداسىندا، ەلەكتر ەنەرگياسىن وندىرۋدە، سونداي-اق كونتەينەرلىك تاسىمالداۋدا كورسەتكىشتەردىڭ وڭ قارقىنى بايقالۋدا. ەلباسىعا قور توبىنداعى كاسىپورىندارداعى ۆاكسيناتسيالاۋ پروتسەسى مەن سانيتارلىق-ەپيدەميولوگيالىق قاۋىپسىزدىك شارالارى تۋرالى مالىمەت بەرىلدى.
كەزدەسۋ قورىتىندىسى بويىنشا «سامۇرىق-قازىنا» ۇلتتىق ءال-اۋقات قورىن باسقارۋ جونىندەگى كەڭەستىڭ ءتوراعاسى ءبىرقاتار ناقتى تاپسىرما بەردى.
