قازاقستاندىق سپورتشى توكيوداعى پاراليمپيادادا ەل قورجىنىنا التىن جۇلدە سالدى

توكيو. قازاقپارات - دەگتياريەۆ 54 كەلىگە دەيىنگى سالماق دارەجەسىندە پاۋەرليفتينگتەن 174 كەلى ناتيجەمەن «التىن» يەلەندى، دەپ حابارلايدى قازاقپارات.

بۇل سالماقتا فرانسۋز بۋرلون اكسەل (165 ك گ) «كۇمىس» جۇلدە، ال «قولا» جۇلدە گرەك باكوچريستوس ديميتريوسكە (165 ك گ) بۇيىردى. وسىلايشا، قازاقستان قۇراماسى پاراليمپيادا ويىندارى اياسىندا ءبىرىنشى ماراپاتقا يە بولدى.

داۆيد دەگتياريەۆ 1996 -جىلى اقمولا وبلىسىنىڭ اتباسار قالاسىندا دۇنيەگە كەلدى. داۆيد پارا پاۋەرليفتينگپەن 2016 -جىلدان بەرى اينالىسا باستادى. جەكە جاتتىقتىرۋشى- كولەسنيكوۆ يۋري نيكولايەۆيچ. 2021 -جىلى تبليسيدە وتكەن الەم كۋبوگىندە ول 185 ك گ- عا دەيىن سالماق كوتەرىپ، ازيا رەكوردشىسى بولدى.

ايتا كەتسەك، قازاقستان تاراپىنان 26 پاراسپورتشى 7 سپورت ءتۇرى بويىنشا قاتىسىپ، ەل نامىسىن قورعايدى. پاراليمپيادا ويىندارى 2021 -جىلدىڭ 24- تامىزىنان - 5- قىركۇيەك ارالىعىندا توكيودا ءوتىپ جاتىر.