ەلوردا مەكتەپتەرى جاڭا وقۋ جىلىنا دايىن
كوروناۆيرۋستىق ينفەكسيانىڭ ودان ءارى تارالۋىنىڭ الدىن الۋ ماقساتىندا:
وقۋشىلار، مۇعالىمدەر، سونىمەن قاتار باسقا دا قىزمەتكەرلەر مىندەتتى تۇردە ماسكا تاعۋى قاجەت؛
سىنىپتاردا ءۇي- جايلاردى جيناۋ جانە دەزينفەكسيالاۋ جيىلىگى ارتادى؛
ساباق اراسىنداعى ۇزىلىستەر ءار بۋىن (تومەنگى، ورتاڭعى، جوعارى سىنىپتار) ءۇشىن ءارتۇرلى ۋاقىتتا بولۋى ءتيىس؛
زەرتحانالىق، تاجىريبەلىك ساباقتاردان باسقا پاندەر بويىنشا كابينەتتىك جۇيە قولدانىلمايدى؛
اسحانالاردا اۋا رەتسيركۋلياتورلارى ورناتىلىپ، تاماقتانۋدى ۇيىمداستىرۋ ىسىنە باقىلاۋ كۇشەيتىلدى.
مەملەكەت باسشىسىنىڭ تاپسىرماسى بويىنشا جاڭا وقۋ جىلى ءداستۇرلى فورماتتا وتەتىندىكتەن قىزمەتكەرلەر مەكتەپ عيماراتىنا «اشىق» جۇيەسىمەن ياعني QR كود سكانەرلەۋ ارقىلى كىرەدى. مەكتەپتىڭ كىرەبەرىس جەرىندە كۇن سايىن پەداگوگتار، قىزمەتكەرلەر مەن وقۋشىلار ءۇشىن عيماراتقا «كىرۋ سۇزگىسى» جۇرگىزىلەدى.
بۇگىنگى كۇنى سانيتايزەرلەر، انتيسەپتيكتەر، جۋعىش جانە دەزينفەكسيالايتىن قۇرالداردىڭ جەتكىلىكتى قورى جاساقتالعان. سول سياقتى ەلوردالىق مەكتەپتەر باكتەريتسيدتى شامدارمەن قامتاماسىز ەتىلگەن. الەۋمەتتىك قاشىقتىقتى ساقتاۋ بويىنشا بەلگىلەر مەن كورسەتكىشتەر ورناتىلدى.
ودان بولەك، مۇعالىمدەر مەن وقۋ ورىندارىنىڭ قىزمەتكەرلەرىن اراسىندا جاپپاي ۆاكسيناتسيالاۋدىڭ ماڭىزدىلىعىن ەرەكشە اتاپ وتكەن ءجون. بۇگىندە ەلوردادا پەداگوگتاردىڭ % 99- ى (16 مىڭنان استام) جانە تەحنيكالىق پەرسونالدىڭ % 97- ى (5 مىڭعا جۋىق) ۆاكسيناتسيالاندى.
