توقسان جاستاعى تورەگەلدى شارمانوۆ كوروناۆيرۋس ۆاكسيناسىن سالدىردى - ۆيدەو

الماتى. قازاقپارات - قازاق تاعامتانۋ اكادەمياسىنىڭ پرەزيدەنتى، مەديتسينا عىلىمدارىنىڭ دوكتورى تورەگەلدى شارمانوۆ كوروناۆيرۋس ۆاكسيناسىنىڭ ءبىرىنشى بولىگىن سالدىردى، دەپ حابارلايدى قازاقپارات ءتىلشىسى.

«كوروناۆيرۋس - وتە قاۋىپتى ىندەت. مۇنىڭ الەم عالىمدارى دالەلدەدى. ودان قۇتىلۋدىڭ جالعىز جولى - ۆاكسينا. مەن 90 نان اسقان شاعىمدا ۆاكسينا سالدىردىم. ماعان ۇيگە كەلىپ سالدى. ءوزىمدى وتە جاقسى سەزىنەمىن»، - دەدى تورەگەلدى شارمانوۆ.

اكادەميك Sinopharm شىعارعان Vero Cell ۆاكسيناسىن سالعىزدى. تورەگەلدى شارمانوۆ قاۋىپتى ىندەتكە قارسى تۇرۋ ءۇشىن جۇرتتى ۆاكسينا سالدىرۋعا شاقىردى. سونداي-اق عالىم قازاقستاندىقتاردى ۆاكسينا تۋرالى جالعان جاڭالىقتارعا سەنبەۋ كەرەكتىگىن ەسكەرتتى.

«قازىر «ۆاكسينا قاۋىپتى» دەگەن جالعان اقپارات تاراتىلىپ جاتىر. سەنبەڭىز، ۆاكسينا - بۇل قورعانۋدىڭ جالعىز جولى جانە جاقىن ادامدارىڭىزبەن بىرگە بولۋدىڭ جالعىز مۇمكىندىگى»، - دەدى عالىم.